Foto: ashyq derekkóz
«Álem jańa tehnologııalyq dáýirge qadam basty. Onyń basty nyshanyn ınnovasııanyń qarqyndy damýy men jasandy ıntellektiniń ómirimizge dendep enýinen baıqaýǵa bolady. Sondyqtan búginde «ozyq oıly ult» pen «tehnologııalyq ult» uǵymdary egiz», dedi Memleket basshysy.
Sonyment qatar Qasym-Jomart Toqaev eldiń qazirgi mindeti – jahandyq úrdisterge beıimdelý ekenin eskertti. Ol úshin bilim berý júıesindegi sıfrlyq transformasııanyń qarqynyn údetý óte mańyzdy ekenin atap ótti.
«Sıfrlandyrý men jasandy ıntellektini ıgerý bilim salasyndaǵy teńsizdikti eńserip, oqý sapasyn aıtarlyqtaı arttyrýǵa úles qosady. Búginde elimizdegi mektepterdiń 95 paıyzdan astamy jyldam ınternetpen qamtylǵan. Atalǵan kórsetkishti 100 paıyzǵa jetkizý kerek. Jerserik júıeleriniń múmkindikterin osy maqsatqa paıdalanýǵa bolady. Muny jaı ǵana ınfraqurylymǵa teńdeı qol jetkizý máselesi emes, áleýmettik ádildiktiń mańyzdy ıdeologııalyq qaǵıdaty retinde qarastyrǵan jón. Sonymen qatar ozyq ınnovasııalyq tásilder erekshe qajettiligi bar balalardyń tolyqqandy bilim alýyna jol ashyp, ınklıýzıvti orta qalyptastyrýǵa múmkindik berip jatyr. Elimizde mektepke nemese kolledjge qabyldaý, sondaı-aq basqa mektepke aýysý boıynsha barlyq negizgi qyzmetter sıfrlyq júıege kóshirilgen. Elektrondy Úkimettiń mobıldi qosymshasynda bilim salasyna qatysty barlyq aqparat jınalǵan Bilim qyzmeti jumys istep tur», dedi Prezıdent.
