Memleket basshysy muǵalim óz pánin jetik bilip qana qoımaı, pedagogıkalyq tájirıbede jańa tehnologııalardy da qoldana bilýi kerek dep sanaıdy.
«Bilim berý mekemelerin tıisti ınteraktıvti qural-jabdyqpen qamtamasyz etý kerek. Oqytýǵa arnalǵan sıfrlyq platformalar men elektrondy oqýlyqtar barlyq oqýshyǵa qoljetimdi bolýǵa tıis. Bul rette oqytý materıaldary túgel muqııat saraptalýy kerek», deıdi Prezıdent.
Qasym-Jomart toqaevtiń aıtýynsha, kelesi mańyzdy mindet - balalarǵa jastaıynan jasandy ıntellekt tehnologııasyn oqytqan jón.
«Bul – bolashaqta jastarymyzdyń básekege qabiletti ozyq maman bolýyna qajetti birden-bir daǵdy. Bul pedagogterge de qatysty. Muǵalim óz pánin jetik meńgerip qana qoımaı, pedagogıkalyq tájirıbede jańa tehnologııalardy da qoldana bilýi kerek», dep atap ótti memleket basshysy.
Prezıdenttiń aıtýynsha, bilim berý salasyn múldem jańa sapaly deńgeıge shyǵarý úshin sıfrlandyrý men jasandy ıntellektiniń múmkindikterin tolyq paıdalaný qajet.
«Sizder tutas elimizdi tehnologııalyq turǵydan jańǵyrtý isinde aldyńǵy shepten tabylyp, bizdiń qoǵamdy naǵyz progressıvti ári damyǵan ultqa aınaldyrýǵa eren úles qosasyzdar dep senemin», dedi Qasym-Jomart Toqaev.
