«Jyl basynan beri sport ardagerlerine júıeli qoldaý kórsetý baǵytynda belsendi jumys júrgizip kelemiz. Meniń tapsyrmam boıynsha óńirlerdegi barlyq sport ardagerleriniń biryńǵaı tizimin jasaý bastaldy. Osy arqyly biz ardagerlerge qandaı qoldaý sharalaryn júzege asyrýǵa bolatynyn anyqtaı alamyz. Aldaǵy ýaqytta ákimdiktermen, sport federasııalarymen jáne basqa da quzyrly organdarmen birlesip qoldaý tetigi qalyptasady. Onyń ishinde jumyspen qamtýǵa járdemdesý, medısınalyq kómek kórsetý jáne buqaralyq sportty damytýǵa tartý máseleleri bar. Sizderdiń esimderińiz elimizdiń sport tarıhyna altyn áriptermen jazylǵan. Biz qazirdiń ózinde biraz ardagerge qoldaý kórsetip otyrmyz jáne bul baǵyttaǵy jumys jalǵasyn tabady», – dedi mınıstr.
Sonymen qatar mınıstr búginde sporttyq mansabyn aıaqtaǵan tanymal sportshylardyń kóbi sport menedjmenti men memlekettik basqarý salasyna tartylyp jatqanyn atap ótti. Olardyń deni qazir sport basqarmalary men federasııalardy basqaryp otyr. Sala mamandary qyzmetke taǵaıyndalmas buryn óńirdegi nemese federasııadaǵy sportty damytý josparyn kásibı tájirıbesine súıene otyryp usynady. Bul shara sporttaǵy sabaqtastyqty qamtamasyz etip, tájirıbe almasýǵa jol ashady.
Aıta keteıik, Sport kúnine oraı elimizde 150-den astam is-shara ótedi. Olardyń basym bóligi mınıstrliktiń usynysy boıynsha sport ardagerleri men eńbek sińirgen jattyqtyrýshylardy ulyqtaýǵa, sondaı-aq buqaralyq jáne balalarǵa arnalǵan sporttyq is-sharalarǵa baǵyttalǵan.
Otandyq sportty damytý isine sport ardagerleriniń qatysýy – saladaǵy sabaqtastyqty dáriptep qoımaı, sonymen qatar myqty ári kásibı júıe qalyptastyrýǵa úles qosady.
