Mınıstr «Kazakhmys Smelting» JShS Jezqazǵan mys qorytý zaýytynda katodty mys, altyn, kúmis, qorǵasyn jáne kúkirt qyshqyly óndiriletin mys konsentrattaryn óńdeýdiń óndiristik sıklimen tanysty.
Kásiporynnyń qýattylyǵy elektr balqytý tehnologııalaryn qoldaný arqyly jylyna 600 myń tonna shıhtany (200 myń tonna mys) óńdeýge múmkindik beredi.
Mys qorytý zaýyty qala quraýshy kásiporyn retinde oblystyń jáne metallýrgııa ónerkásibiniń áleýmettik-ekonomıkalyq damýynda sheshýshi ról atqarady.
2025 jylǵy jeti aıda zaýyt 92 myń tonna katodty mys qorytty. Sondaı-aq jergilikti jetkizýshiler men óndirýshilerden qosalqy materıaldardy satyp alý úlesin arttyrý múmkindikteri qarastyryldy.
Mınıstrge «Jezqazǵanredmet» RMK-da shıkizat pen sırek metaldardy óńdeýdiń tehnologııalyq úderisi tanystyryldy. Bıyl zaýytta eki jyldyq jańǵyrtý bastaldy, bul kiristi 2,6 esege, ónim shyǵarýdy 2,7 esege arttyryp, halyqaralyq standarttarǵa sáıkes keletin sapaǵa qol jetkizýge jáne óndiris boıynsha álemde ekinshi orynǵa shyǵýǵa múmkindik beredi.
E.Naǵaspaev jeke qorǵaný quraldaryn, onyń ishinde respıratorlar men aýystyrylatyn súzgileri bar jartylaı maskalar shyǵarýǵa mamandanǵan «Ulytau Industrial Company» JShS jańa zaýytynda da boldy.
Jobanyń qurylysy 2024 jyldyń mamyr aıynda, óndiris sol jyldyń jeltoqsan aıynda bastaldy. О́nimniń alǵashqy tapsyrys berýshisi «Qazaqmys» korporasııasy boldy, onymen uzaq merzimdi ofteık kelisimsharty jasaldy.
Zamanaýı óndiristik jeliler bizge halyqaralyq sapa men qaýipsizdik standarttaryna tolyǵymen sáıkes keletin jylyna 6 mln-ǵa deıin respırator shyǵarýǵa múmkindik beredi. Bolashaqta jeke qorǵanys quraldarynyń 10 túrine deıin ónim jelisin keńeıtý, sondaı-aq aýystyrylatyn súzgileri bar jartylaı maskalar shyǵarý jelisin iske qosý josparlanýda.
Sapar sońynda Ersaıyn Naǵaspaev oblystyń ónerkásiptik áleýetin nyǵaıtý úshin óndiristik qýattardy jańǵyrtýdyń jáne qosylǵan quny joǵary ónim shyǵarýdy keńeıtýdiń mańyzdylyǵyn atap ótti.
Ulytaý oblysy
