Úsh zań jobasy qaraldy

Parlament Senaty Áleýmettik-mádenı damý jáne ǵylym komıtetiniń keńeıtilgen otyrysynda «Balalardy densaýlyǵy men damýyna zardabyn tıgizetin aqparattan qorǵaý týraly» zań jobasy qaraldy, dep habarlady osy palatanyń baspasóz qyzmeti. Zań jobasynyń negizgi maqsaty balalardy zııandy aqparattan qorǵaýdy qamtamasyz etý, balalardyń jasyna sáıkes keletin aqparatty alýyna jáne taratylýyna quqyqtaryn iske asyrý, sondaı-aq, olardyń aqparat keńistigine jaǵymsyz aqparattyń enýinen qorǵaý bolyp tabylady. Qujatta aqparat ónimderiniń saraptama júrgizý tetikteri bekitildi, sarapshylarǵa qoıy­latyn talaptar, sarapshylar men sarap­ta­malyq uıymdardy tirkeý tártibi belgilendi, osy salany retteıtin memlekettik organdardyń quzyretteri ajyratyldy. Komıtet otyrysynda, sondaı-aq, «Qa­zaq­stan Respýblıkasynyń keıbir zańnamalyq akti­lerine balalardy densaýlyǵy men damýy­na zardabyn tıgizetin aqparattan qor­ǵaý máse­leleri boıynsha ózgerister men tolyq­ty­rý­lar engizý týraly» zań jobasy birinshi oqylymda qaraldy. Zań jobasy zańnamany «Balalardy densaýlyǵy men damýyna zardabyn tıgizetin aq­parattan qorǵaý týraly» zań jobasyna sáı­kes keltirý maqsatynda ázirlengen bolatyn. Zań jobasynyń tujyrymdamalyq baǵyt­taryn eskere kelgende, osy zań jobasymen bir­­qatar zańnamalyq aktilerge ózgerister men tolyqtyrýlar engizý usynylyp otyr. Komıtet otyrysynda «Qazaqstan Res­pýb­lıkasynyń keıbir zańnamalyq aktilerine  densaýlyq saqtaý máseleleri boıynsha ózgerister men tolyqtyrýlar engizý týraly» zań jobasy da birinshi oqylymda qaraldy. Zań jobasynyń maqsaty qoldanystaǵy zańnamanyń quqyqtyq olqylyqtaryn joıý, densaýlyq saqtaý júıesin odan ári jetildirý, sondaı-aq, azamattardyń tolyqqandy medısınalyq qamtylýyna konstıtýsııalyq quqyqtaryn qamtamasyz etý bolyp tabylady. Zań jobalary palatanyń qaraýyna jiberildi.