ELBASY QABYLDADY

III Astana ekonomıkalyq forýmynyń aıasynda Memleket basshysy Nursultan Nazarbaev birqatar eki jaqty kezdesýler ótkizdi, dep habarlady Qazaqstan Respýblıkasy Prezıdentiniń baspasóz qyzmeti. Prezıdent N.Á.Nazarbaev Eýropalyq ınves­tısııalyq banktiń prezıdenti Fılıpp Maıshtadtty qabyldady. Kezdesý kezinde eki jaqty yntymaq­tastyqtyń máseleleri talqylandy. – Prezıdentpen Brıýsseldegi bizdiń kezde­sýi­mizdiń barysynda men Eýropalyq ınvestısııalyq bank Qazaqstanǵa kelip, kapıtal salý úshin jo­balardy izdestire bastaýy qajettigi týraly usy­nysymdy aıtqan edim. Búgin biz mundaı jobalardyń naqty tizbesin talqyladyq, – dedi F.Maıshtadt. Memleket basshysy BUU-nyń О́nerkásiptik damý jó­nindegi bas dırektory Kandeh Iýmkellamen kez­des­ti. Áńgimelesý barysynda eki jaqty ózara is-áreket máselesi talqylandy. – Sizdiń eldiń ekonomıkalyq damýynyń ná­tı­jelerin kórý óte tańdandyrady. Bul ekonomıkalyq forýmdy Qazaqstannyń uıymdastyrýy óte mańyzdy. Sizdiń respýblıkany tabysty ekonomıkalyq úlgidegi memleket retinde mysalǵa keltirýge bolady, – dedi K.Iýmkella. Prezıdent sondaı-aq ekonomıka salasy boıynsha Nobel syılyǵynyń laýreattary Robert Man­del­lamen jáne Fınn Kıdlandpen kezdesti. Kezdesý ba­rysynda áńgimelesýshiler álemdik jáne qazaqstandyq ekonomıkadaǵy istiń jaı-kúıin talqylady. – Men Qazaqstan jahandyq daǵdarysqa der kezinde ázirlene aldy dep esepteımin. Qazaqstan qolǵa alǵan sharalar barynsha durys boldy, – dedi R.Mandella. Álemniń kóptegen ózge elderine qaraǵanda Qa­zaqstandaǵy jaǵdaı edáýir jaqsy. Men sizderdiń daǵdarysqa qarsy baǵdarlamalaryńyzdyń mańyzdy nátıjesiniń biri – bul bank júıesin der kezindegi ońaltý dep sanaımyn. Ol barlyq ekonomıkanyń tu­raqtylyǵyn qamtamasyz etti, – dep atap ótti F.Kıdland.