Foto: Ashyq derekkóz
Elimizde álemniń jetekshi medısınalyq ortalyqtarymen qatar qoıatyn biregeı operasııalar jasalyp jatyr. Júrek pen ókpeni transplantasııalaý, sondaı-aq búırektiń úshjaqty aıqaspaly transplantasııasy sııaqty asa kúrdeli operasııalar jasalady. Qazaqstan osyndaı operasııalar oryndalatyn álemdegi alty eldiń qataryna kiredi.
Mı aýrýlaryn emdeý turǵysynda «Gamma-pyshaq» tehnologııasy qoldanylsa, onkologııalyq dertterge qarsy zamanaýı protondyq terapııa engizilip jatyr.
Infraqurylymdy jańartý baǵytynda aýqymdy jumys júrgizilip otyr. «Aýylda densaýlyq saqtaýdy jańǵyrtý» ulttyq jobasy aıasynda josparlanǵan 655 nysannyń 511-i salyndy.
«Bul nysandar buryn medısınalyq obektilermen qamtylmaǵan aýyldarda, sondaı-aq eskirgen jáne beıimdelmegen úı-jaılardyń ornyna salynyp jatyr. Bul ortalyqtar 1 mıllıonǵa jýyq aýyl turǵyndaryn medısınalyq qyzmettermen qamtıdy», dep atap ótti Densaýlyq saqtaý mınıstri Aqmaral Álnazarova.
36 oblystyq aýrýhana men 17 perınataldyq ortalyqqa jańǵyrtý jumystary júrgizilip jatyr. Balalar bólimshelerindegi tósek-oryn qory 38%-ǵa ulǵaıdy. Shamamen 2,1 myń birlik medısınalyq jabdyq satyp alynyp, sonyń nátıjesinde jaraqtandyrý deńgeıi 86%-ǵa (62%-dan) deıin ósti.
