Agenttik málimetinshe, oblystyq AFM departamenti eki jylǵa sozylǵan alaıaqtyq faktisin tergep jatyr. Tergeý barysynda belgili bolǵandaı, jergilikti seriktestik basshysy jalǵan qujattardy paıdalanyp, memlekettik sýbsıdııany zańsyz alyp otyrǵan. Bul qarjy aýyl sharýashylyǵy basqarmasy arqyly sútti qaıta óńdeýge bólingen.
Zertteý kórsetkendeı, kásipker shyǵyndardy rastaý úshin jalǵan esep-qısap qujattaryn tapsyrǵan. Onda jeke kásipkerlerden shıki sút satyp alynǵany jóninde jáne maı óndirisi týraly shyndyqqa janaspaıtyn derekter kórsetilgen.
Qarjy monıtorıngi agenttigi zańsyz alynǵan qarajattyń bir bóligi – 110 mıllıon teńgeniń qumar oıyndarǵa, ıaǵnı kazınoǵa jumsalǵanyn habarlady.
Sottyń sanksııasymen quny 300 mıllıon teńgeden asatyn zaýyttyń múlkine tyıym salyndy. Qazirgi tańda kúdiktige qatysty bultartpaý sharasy retinde úıqamaq qoldanylyp otyr.
Agenttik tergeý jalǵasyp jatqanyn atap ótti.
