Ǵalymnyń eńbegi «Saıası kommýnıkasııa quraly retindegi jasandy ıntellekt: qoldanylýy jáne ǵalamdyq boljaý» dep atalady. Bul jumys – elimizde JI men saıası kommýnıkasııanyń ózara baılanysyn jan-jaqty taldaǵan alǵashqy zertteý. Ǵalym JI-diń qoǵamdyq pikir qalyptastyrýdaǵy rólin, saıası úderistegi yqpalyn jáne bolashaqtaǵy damý baǵyttaryn aıqyndap, arnaıy boljaý modelin usyndy.
Zertteý barysynda avtor halyqaralyq mysaldarmen qatar, elimizdegi jaǵdaıdy tereń taldaǵan. JI-diń saıasattaǵy qoldanysyna qatysty zańnamalyq baza, tehnologııalyq múmkindikter men shynaıy tájirıbe saralanǵan. Bul baǵytta ǵalym sarapshylarmen suhbat júrgizip, áleýmettik jeliler men sıfrlyq platformalardy zerttep, SWOT jáne PEST taldaýlar jasady.
Dıssertasııanyń qorytyndylary saıasattanýshylarǵa, medıa sarapshylaryna, memlekettik qyzmetkerlerge jáne IT mamandaryna paıdaly bolmaq. Jumys nátıjeleri sıfrlandyrý saıasatyn jetildirýge, aqparattyq qaýipsizdikti qamtamasyz etýge jáne jańa oqý kýrstaryn ázirleýge negiz bola alady.
Mádenıet jáne aqparat mınıstrliginiń ókilderi men ǵylymı jetekshiler bul eńbekti joǵary baǵalap, avtordyń ózekti taqyrypty tańdaýyn atap ótti. Resenzııada JI-diń qoǵam men saıasatqa yqpaly tereń ashylǵany, bolashaq táýekelder men múmkindikter naqty kórsetilgeni aıtylǵan.
Aıtolqyn Áshimovanyń eńbegi elimizdiń ǵylymı qaýymdastyǵyn halyqaralyq deńgeıdegi sıfrlyq saıasat zertteýlerine úles qosyp, otandyq mekteptiń damýyna jol ashady. Bul zertteý saıasat pen tehnologııa túıisken jańa ǵylymı baǵyttyń irgetasy bolmaq.
