Sotta qalalyq ákimdikke qarasty «Turǵyn úı Shymkent» JShS-niń burynǵy basshysy Ernar Jıembaı jeke bas arazdyǵy saldarynan Shymkent qalasy ákiminiń orynbasary Rýslan Berdenovti alkogoldi ishimdik ishken masań kúıde qasaqana óltirýge oqtalyp, ańshy myltyǵynan 5 ret oq atqany aıtyldy. Sondaı-aq sot tergeýinde sottalýshynyń oq dárileri taýsylýyna, jábirlenýshiniń oǵan qarsylyq kórsetýine jáne qasyndaǵy adamdary kómekke kelýine baılanysty E.Jıembaı qylmystyq nıetin sońyna deıin jetkize almaǵany anyqtaldy.
Sottyń bulaı úkim shyǵarýyna sottalýshynyń óz qylmysyn moıyndaýy, jábirlenýshiniń jáne kýágerlerdiń jaýaptary, zattaı aıǵaqtar, beınejazbalar men sot saraptamalarynyń qorytyndylary dálel bolyp tabylady.
Sýdıa sottalýshynyń óz kinásin ishinara moıyndaıtyndyǵy, oǵan shyn júrekten ókinetindigi, buryn sotty bolmaǵandyǵy, asyraýynda 2 jas balasy bary jeńildetetin jáıt retinde jaza taǵaıyndaǵanda eskerilgenin atap ótti. Kerisinshe alkogoldi ishimdi iship masań kúıinde qylmys jasaǵany jazany aýyrlatatyn sebep boldy.
Sot E.Jıembaıǵa 9 jyl merzimdi qylmystyq atqarý júıesiniń ortasha qaýipsizdik mekemesinde óteýdi belgiledi. Úkim áli zańdy kúshine engen joq. Oǵan deıin sottalýshy Shymkent qalalyq qylmystyq ister jónindegi appelıasııalyq sot alqasyna shaǵym túsirýge quqyly. Sondaı-aq ol jábirlenýshige keltirgen shyǵyndardy tolyq óteıtin bolady.
Sotta E.Jıembaı úkimmen kelispeıtinin málimdedi. Ol qylmysty óltirý maqsatynda jasamaǵanyn aıtty. Tek qasaqana densaýlyǵyna aýyr zııan keltirý úshin jasadym dedi. Sondyqtan qylmystyq kodekstiń 106-babymen jaza taǵaıyndalǵanyn kútipti. Sottalýshy óz sózinde mundaı qadamǵa Rýslan Berdenovtiń dóreki minezi men kórsetken jaman qylyǵy úshin barǵanyn jasyrmady. E.Jıembaıdyń aıtýynsha R.Berdenov kómekshisine dóreki sóılegeni úshin ony sottatamyn dep qoqan-loqy kórsetken. Jeke kabınetine shaqyryp alyp, shashyń túsip qalǵan, kıimiń nashar degen sekildi namysqa tıetin sózder aıtqan.
E.Jıembaıdyń ákesi Jıembaı Pirálıev te appelıasııalyq shaǵym túsirý jóninde aqyldasatynyn málimdedi. Sottalýshynyń ákesi R.Berdenovtiń óz laýazymyn paıdalanýda shekten shyǵyp, balasynyń ábden namysyna tıip, osyndaı áreket jasaýyna ıtermeleginin baıandady. E.Jıembaıdyń áıeline R.Berdenovtiń áleýmettik jelide laık basyp ashyq qyryndaǵany ras pa degen saýalǵa ákesi «bul másele qupııa kúıinde qalsyn, balam da kóp nárseni aıta almaı bári ishinde ketti. Otbasynyń abyroıy biz úshin bárinen bıik. Biraq kelinim adal» dep jaýap berdi. Sondaı-aq J.Pirálıev sot tergeýinde biraz dáleldemeler eskerilmegenin málimdedi.
«Tergeý birjaqty ótti. Oǵan biz qatysa almadyq. Bizdiń aıtýymyzben jábirlenýshiniń kostıými 45 kúnde tabyldy. R.Berdenov kóptegen jaraqat aldy delingen. Alaıda denesinen 3-aq bytyra oǵy alynǵan. Meniń balam onyń basyma qarý taqamaǵan. Ol sot-saraptama ortalyǵynyń qorytyndysynda da, beınejazbada da joq. Ernar qalalyq chempıonattarda kezinde júlde alǵan bokser. Qarýmen atýdy da úırengen. Eger shyn máninde nıetinde óltirý bolsa ol sol oıyn iske asyrar edi. Biraq onyń maqsaty denesine jaraqat salý ǵana boldy. Sondyqtan qylmystyq kodekstiń 106 baby boıynsha úkim shyǵý kerek edi. R.Berdenov «maǵan atylǵan oq búkil memlekettik organda isteıtin azamattarǵa atylǵanmen birdeı» dep bul isti saıasılandyrǵysy keledi. Olaı oılaýdyń keregi joq. Bul jerde tek jeke bas arazdyǵy jatyr. Al R.Berdenov sol arqyly qoǵamnyń kóńilin aýlaǵysy kep tur» dedi J.Pirálıev.
О́z kezeginde sot otyrystarynda jábirlenýshi R.Berdenov E.Jıembaıdyń barlyq aıyptaýlaryn joqqa shyǵarǵan edi. Onyń aıtýynsha ol E.Jıembaıdyń jeke ómirine eshqashan aralasqan emes. Áıelin tipti tanymaıtynyn da málimdedi. R.Berdenov baıandaǵandaı E.Jıembaıǵa aıtylǵan syn tek jumys máselesine qatysty bolǵan. О́ıtkeni onyń pikirinshe «Turǵyn úı Shymkent» seriktestigi shyn máninde óz qyzmetinde kóptegen kemshilikter men sapasyzdyqqa jol bergen. Sondaı-aq R.Berdenov óz sózinde laýazymdy qyzmetkerler kabınetinde tyńdaý qurylǵylary bolatynyn, ár sóz jazylatynyn sondyqtan etıkaǵa jatpaıtyn áńgimeler aıtpaý keregin biletinin atap ótken edi.
Shymkent
