Demokratııalyq kúshterdiń «Qazaqstan-2050» jalpyulttyq koalısııasynyń ÚNDEÝI

Qadirli otandastar! Elimizdegi bedeldi de ókilet­ti­ únqatysý alańy retinde Demo­­kra­­tııalyq kúshterdiń «Qazaq­stan-­2050» jalpyulttyq koalı­sııa­­sy túrli kózqaras pen usta­ny­m­­daǵy jetek­shi qoǵamdyq-saıa­sı kúsh­ter­diń ashyq ári salıqa­ly pikir­ta­lasy ar­qyly barlyq áleýmettik top­tardyń múddesin qamtamasyz etedi. Koalısııa Elbasynyń memle­­kettik baǵytyn júzege asyrýǵa ózindik úles qosa otyryp, qoǵamdy toptastyryp, ondaǵy ózara senimdi nyǵaıtady. Búgin, Koalısııa talqylaý nátıjesinde 2015 jyly prezı­dent­tik saılaý ótkizý jónindegi bastamany biraýyzdan qoldady. Bul – elimiz úshin tarıhı sát. Kúrdeli halyqaralyq jaǵdaı men álemdik ekonomıkadaǵy ahýalǵa baılanysty atalǵan másele ótken jyldan qoǵamdy tolǵandyryp keledi. Kópshilik saılaýdy dál 2015 jyly ótkizýdi turaqtylyq pen tynyshtyqtyń faktory dep esepteıdi. Konstıtýsııalyq mártebege ıe Qazaqstan halqy Assambleıasy qoǵamnyń pikirin basshylyqqa ala kele, óziniń 20 jyldyǵynda osyndaı ýaqtyly ári mańyzdy bastama kóterdi. Sondyqtan da, sarapshylar qaýymdastyǵy, qoǵamdyq jáne saıa­sı uıymdar, belgili qoǵam jáne memleket qaıratkerleri bul bastamany keńinen qoldaýda. Elbasynyń strategııalyq kóre­gendiginiń arqasynda elimizde jete saralanǵan naqty ister jos­pary bar. Ol – «Nurly Jol» baǵd­ar­lamasy. Bul – tek qıyndyqtardy eńse­rýdiń ǵana emes, elimizdiń uzaq ­mer­­zimdi damýynyń, álemniń eń da­my­ǵan 30 eliniń qataryna qo­sy­­lýy­na jaǵdaı jasaýdyń jospary. Bul – júz myńdaǵan jumys oryndarynyń, jańa óndiristiń ashylýy, ınfraqurylymnyń jań­ǵyrtylýy, mıllıondaǵan sharshy metr turǵyn úı salý, turǵyn­dar aldyndaǵy áleýmettik mindet­temelerdiń tolyq oryndalýy. Álemdik ekonomıkanyń turaq­syzdyǵy jaǵdaıynda pármen­di de batyl, utqyr is-qımyldar qajet. Dál bıylǵy jyly prezı­denttik saılaý ótkizý osyǵan qa­jetti jaǵdaı týǵyzyp, memleket pen qoǵamdy «Nurly Jol» baǵ­darlamasyn, «Qazaqstan-2050» Strategııasy men Máńgilik El ­ıdeıasyn tabandylyqpen iske asyrýǵa jumyldyrady. Táýelsizdigimizdiń eń qıyn jyldarynda saılaý qoǵamdy toptastyrýdyń quraly, azamattardy birlikke, kelisimge bastaýdyń, saıası turaqtylyq pen qalypty damýǵa jumyldyrýdyń tetigi bolyp qyzmet etti. Biz el taǵdyryna beıjaı­ qaramaıtyn barsha qazaq­stan­­­dyqtardy Qazaqstan Res­­pýb­­lı­kasynyń Prezıdentin saı­laýdy 2015 jyly ótkizý bas­tama­syn qol­daýǵa shaqyramyz. «Nur Otan» partııasy, Qa­zaq­stannyń Kommýnıstik halyq partııasy, «Birlik» partııasy, Qazaqstannyń Patrıottar partııa­sy, «Aq jol» demokratııalyq partııasy, Qazaqstannyń «Aýyl» áleýmettik-demokratııalyq partııasy, «Atameken» Ulttyq kásipkerler palatasy, «Qazaqstannyń azamattyq Alıansy» zańdy tul­ǵalar birlestigi, «Qazaqstan Res­pýblıkasy Ardagerler uıymy» qoǵamdyq birlestigi, «Bolashaq» qaýymdastyǵy» qoǵamdyq bir­lestigi, Qazaqstannyń kásipkerler forýmy, Múgedekterdiń «DOS» táýelsiz ómir ortalyǵy» qoǵam­dyq birlestigi, «QR Qarýly Kúshter ardagerleri» qoǵamdyq birlestigi, «QR Qarýly Kúshter ardagerleri» Aýǵanstan soǵysy ardagerleri uıymdarynyń assosıasııasy, Qazaqstan isker áıelderi assosıasııasy, «Qazaqstan tutynýshylarynyń ulttyq lıgasy» zańdy tulǵalar birlestigi, «Jasyl» ekonomıka men G-GLOBAL-dy damytý úshin koalısııasy» zańdy tulǵalar birlestigi, Ulttyq ǵylym akademııa­sy, Qazaqstan Jazýshylar odaǵy, Kásipker áıelder odaǵy, «Respýblıkalyq áıelder keńesi» qoǵamdyq birlestigi, «Qazaqstan ýkraındarynyń radasy» qoǵamdyq birlestigi, «Qazaqstan-2050» jalpyulttyq qozǵalysy. 2015 jyldyń 17 aqpany. ASTANA.