Sýret: ortalyq.kz
Abaı qalasyndaǵy polıgon partııanyń saılaýaldy baǵdarlamasy aıasynda ákimshilik ǵımaraty, medısınalyq pýnktti jáne qyzmetkerlerge qajet barlyq ınfraqurylymy bar tolyqqandy keshen retinde salynyp jatyr. Munda qýaty jylyna 15 myń tonnalyq qaldyqtardy suryptaý jelisi jumys isteıdi. Plastıkti qaıta óńdeýge arnalǵan press-stanoktar men jabdyqtar da qarastyrylǵan. Shıkizatty ýaqytsha saqtaýǵa arnalǵan alańdar men qaldyqtardy kómýge negizdelgen transheıalar bar. Sondaı-aq nómir bekitý júıesi engizilgen elektrondy avtomobıl tarazylary ornatylǵan. Nysandy qaldyqtardy jınaý, suryptaý jáne qaıta óńdeý jumysymen aınalysatyn arnaıy kásiporyn paıdalanady. Osylaısha, Abaı aýdanynda jańa jumys oryndary ashylady. Oǵan qosa turǵyndardyń ekologııalyq qaýipsizdigine kepildik berilip, qorshaǵan ortanyń jaı-kúıine zamanaýı baqylaý jasalady.
N.Shatalov polıgon qurylysy Memleket basshysy Qasym-Jomart Toqaevtyń jańa ekologııalyq mádenıetti qalyptastyrý jáne zamanaýı óńdeý tehnologııalaryn engizý boıynsha bergen tapsyrmalaryn júzege asyrýdaǵy naqty qadam ekenin aıtty.
– Qatty turmystyq qaldyqtarǵa arnalǵan zamanaýı polıgon salý ekologııalyq jaǵdaıdy edáýir jaqsartýǵa, ozyq óńdeý tehnologııalaryn engizýge, qosymsha jumys oryndaryn ashýǵa múmkindik beredi. Bul – óńirdi damytý jáne turǵyndardyń turmysyn jaqsartý isine qosylǵan úlken úles, sondaı-aq saılaýshylarǵa bergen ýádemiz oryndalyp jatqanynyń naqty kórinisi, – dedi N.Shatalov.
Budan basqa, «Amanat» partııasynyń saılaýaldy baǵdarlamasy aıasynda Qaraǵandyda qatty turmystyq qaldyqtardy energetıkalyq kádege jaratatyn zaýyt qurylysy josparlanǵan. Al oblys aýmaǵynda 2027 jylǵa deıin suryptaý jelisi bar taǵy 6 qatty turmystyq qaldyqtar polıgonyn salý kózdelip otyr.
О́ńirlerge sapar barysynda Májilis depýtaty, «Aq jol» partııasy fraksııasynyń múshesi Erjan Beısenbaev Shymkent qalasyndaǵy «Avangard» shyny zaýytyna bardy. Elimizdegi tabaq shynyny óńdeý jáne shyny paketter óndirý salasyndaǵy jetekshi kásiporyn qurylys pen ónerkásipke arnalǵan halyqaralyq standarttarǵa saı sapaly ónimder shyǵarady. Olar jaryq ótkizý qabileti joǵary ári soqqyǵa tózimdi.
E.Beısenbaev zaýyttyń tynys-tirshiligimen tanysyp, óndiris qyzmetkerlerimen áńgimelesip, ózekti máselelerdi talqylady. Onda kásiporynnyń birqatar qıyndyqqa da tap bolyp otyrǵany aıtyldy. О́z kezeginde Májilis depýtaty zaýyt basshylyǵy kótergen máselelerdi muqııat tyńdap, olardy quzyrly memlekettik organdarmen birge qarastyratynyn jetkizdi.
– Elektr energııasy tarıfiniń qymbattaýy, stanoktardy satyp alǵanda ony shyǵyn retinde kórsete almaý jáne soǵan da qosymsha qun salyǵyn tóleý, sondaı-aq eksportqa shyǵarý kezinde shekarada ónimniń kóp ustalyp qalýy kásiporyn úshin eleýli qıyndyqtar týdyryp turǵany aıtyldy. Olardy quzyrly organdarmen birlese qarastyramyz. Sonymen qatar zaýytqa jastardy kóbirek tartý da mańyzdy, – dedi E.Beısenbaev.
