«Osy ózgeristerge sáıkes biz áleýmettik mańyzy bar taýarlardyń baǵasyn tikeleı retteýden bas tartamyz jáne ataýly áleýmettik kómekke kóshemiz. Saýda ústemesiniń 15%-y baqylaýdy kúsheıtý paıdasyna áleýmettik mańyzy bar taýarlarǵa shekti baǵalardy engizý tetigi alynyp tastalady», dep atap ótti Arman Shaqqalıev.
Daıyndyq kezeńinde ataýly kómek tetigin testileýge baǵyttalǵan «Sıfrlyq azyq-túlik vaýcheri» qanatqaqty jobasy júzege asyrylyp jatyr. Onyń sheńberinde alýshylarǵa áleýmettik mańyzy bar taýarlardy saýda ústemesinsiz satyp alý baǵasymen satyp alýǵa múmkindik beretin azyq-túlik vaýcherleri usynylady, bul kómekti maqsatty jáne ádil bólýdi qamtamasyz etedi.
«Memleket basshysynyń barlyq tapsyrmalary erekshe baqylaýda. Árbir is-sharany júzege asyrý josparly rejımde júrip jatyr, mindetter sapaly jáne belgilengen merzimde oryndalatyn bolady», dep atap ótti saýda jáne ıntegrasııa mınıstri.
Saýda men shıkizattyq emes eksportty damytý jónindegi is-sharalar kesheni Prezıdenttiń tapsyrmalaryn oryndaýǵa júıeli jáne dáıekti kózqarasty kórsetedi.
Úkimettik sharalar ekonomıkalyq ósý úshin turaqty negiz qurýǵa, básekege qabilettilikti arttyrýǵa jáne elimizdiń halyqaralyq saýda tizbekterine ıntegrasııalanýyna baǵyttalǵan.
