Germanııa Úkimeti ýákilimen áńgime

Keshe Qazaqstan Respýblıkasy Parlamenti Senatynyń Tóraǵasy Qasym-Jomart Toqaev Germanııanyń 2016 jyly EQYU-ǵa tóraǵalyq etý máseleleri, sondaı-aq, Reseı, Ortalyq Azııa jáne Shyǵys áriptestiginiń elderimen yntymaqtastyq jónindegi GFR Federaldy úkimetiniń ýákili, burynǵy Memlekettik syrtqy ister mınıstri Gernot Erlerdi qabyldady. Senat Tóraǵasy 2016 jyly EQYU tóraǵasy laýazymyna saılanýymen Germanııany quttyqtady jáne álemge jáne qaýipsizdiktiń qıyn ýaqytynda Uıym aldynda turǵan ózekti máselelerdi sheshýge GFR qomaqty úles qosatynyna senim bildirdi. Q.Toqaevtyń pikirinshe, zor ekonomıkalyq áleýetke jáne halyqaralyq bedelge ıe Germanııa tóraǵa retinde EQYU-ny nyǵaıtý úshin kóptegen sharalar atqara alady. Basty máseleleriniń biri ýk­raın shıelenisteri bolǵan taıaý­daǵy Mıýnhen qaýipsizdik komı­te­tiniń nátıjelerin talqylaǵan júzdesýshiler «Mınsk-2» keli­simderin oryndaý qajettigin kól­deneń tartty. Q.Toqaev Ýkraı­nadaǵy daǵdarys jaǵdaıyn retteýge baǵyttalǵan Qazaqstan Pre­zıdenti N.Nazarbaevtyń kúsh-jigerin atap ótti. «Bizdiń Mem­leket basshysy shıelenisti ret­teýge járdemdesý úshin belsendi ju­mystardy jalǵastyryp keledi, ony Reseı, Ýkraına, Germanııa, Fransııa, AQSh, Belarýs kósh­bas­shylarymen kezdesýleri men telefon arqyly sóılesýleri kórsetip otyr», dedi Q.Toqaev. Senat Tóraǵasy júzdesýshini Qazaqstandaǵy áleýmettik-eko­nomıkalyq ahýalmen, Ortalyq Azııadaǵy jaǵdaımen jáne Par­lamenttiń zań shyǵarý qyzmetimen ta­nystyrdy, dep habarlady Se­nat­tyń baspasóz qyzmeti.