GÚLDENSE AÝYL – GÚLDENEMIZ BÁRIMIZ

Burynǵy Jańasemeı aýdany­na qarasty Znamenka aýyly bú­ginde Semeı qalasynyń quramyn­da. Shamnyń jaryǵy túbine túspeıdi demekshi, kúni keshege deıin bul aýyldyń jadap-júdep kelgeni ótirik emes. Áıteýir, abyroı bolǵanda aýyl tizgini Mel­lat Dúısenbaev syndy ómir kórgen isker basshynyń qolyna tıgen soń mundaǵy jaǵdaı bir­tindep ońala bastaǵan. Aýyl turǵyndary  esep berý jıynynda qala ákiminiń aldyna Znamenka eldi mekeninde respýb­lıkalyq telearnalardyń kór­se­tilýine, dárigerlik ambýlatorııa janynan kúndizgi stasıonardyń ashylýyna jáne ambýlatorııany “Jedel járdem” kóligimen qamta­masyz etýge ótinish jasasa, búgingi kúni sonyń bári durys sheshimin taýypty. Munda bıylǵy jyly sondaı ıgi jańalyqtar zańdy túrde jal­ǵasyn taýyp jatqany súısintedi. Aıtalyq,  jyl basynan aýyl klý­by jumys isteı bastapty. Onda dombyra, bı úıirmesi, qýyrshaq teatry jumys istep turǵan kórinedi. Munyń syrtynda klýb túrli mádenı sharalardy da kóptep ótkizýge muryndyq bolyp keledi deıdi aýyl ákimi. Klýb basshysy Ardaq О́mirzaqovtyń tek mádenı sharalarmen shektel­meı, bıylǵy jyly klýb ishinen balalardyń jazǵy demalys la­gerin ashýy da quptarlyq is dep bilemiz. Balalar demekshi, aýyl ákimi­niń bastamasymen jýyrda atalyp ótilgen Balalardy qorǵaýdyń halyqaralyq kúni merekesinde aýylda “Balalar baǵy” ashylyp­ty. Baqta túrli oıyn qondyr­ǵy­lary kóptep ornatylyp, jas ur­paqtyń munda alańsyz demalýyna qolaıly jaǵdaı jasalǵan. Endi munda sýburqaqqa deıin jumys iste­mek. Osy oraıda ákimniń jer­gilikti kásipkerlerge alǵysy sheksiz. Shyndyǵynda bul bilim orda­synyń tek bilim berý isimen shektelmeı, aýyldyń áleýmettik máseleleriniń sheshimine zor bel­sendilikpen qatysyp kele jat­qa­nyn jergilikti turǵyndardan da estip, bildik. Máselen, aýyl kitaphanasy da, balalardyń shaǵyn baqshasy da osynda oryn tepken. Mektepte aýyl mura­jaıy­nyń da jumys isteı bas­ta­ǵanyna kóp bolmapty. Solaı bola turǵanmen, ondaǵy jádi­ger­ler men aýyl, mektep tarıhynan syr shertetin derekter jetkilikti. Sonyń birin ǵana aıtsaq, Jeńistiń bıylǵy 65 jyldyǵyna oraı osy óńirden maıdanǵa attanǵan bozdaqtar týraly qundy qujattar men sırek sýretter de osynda jınaqtalǵan. Áleýmettik jaǵynan gúldene tú­sip kele jatqan Znamenka aýy­lynyń ekonomıkalyq jaǵynan da saýyǵyp, berekeli óńirge aınalatyndyǵyna esh kúmán joq. Dáýlet SEISENULY. Shyǵys Qazaqstan oblysy.