Sýret: tolqyn.kz
Plenarlyq otyrysty Premer-mınıstrdiń orynbasary Ermek Kósherbaev ashty. Ol ońtaılandyrýdyń basty maqsaty – áleýmettik kómektiń ataýlylyǵyn ári ádildigin qamtamasyz etý ekenin atap ótti.
«Memleket áleýmettik salaǵa aıryqsha nazar aýdarýdy jalǵastyrýda, respýblıkalyq bıýdjettiń 40%-dan astamy dástúrli túrde azamattardy qoldaýǵa baǵyttalady. Mańyzdysy – memlekettik qoldaý shynymen muqtaj jandarǵa jetýge tıis», dedi vıse-premer.
Semınar-keńes barysynda Joǵary aýdıtorlyq palata men salalyq mınıstrlikter anyqtaǵan áleýmettik tólemderdi maqsatsyz paıdalaný faktileri qaraldy. Ol: zańdy negizi joq azamattardyń járdemaqy alýy, jumyssyzdyq pen dekrettik tólemderdi taǵaıyndaý kezindegi alaıaqtyq jaǵdaılary, biryńǵaı jınaqtaýshy zeınetaqy qory qarajatyn stomatologııalyq qyzmetterge maqsatsyz paıdalaný, mekteptegi tamaqtandyrý men ataýly áleýmettik kómek taǵaıyndaýda jaǵdaıy bar otbasylarǵa jeńildikter berý.
Eńbek jáne halyqty áleýmettik qorǵaý mınıstrliginiń dereginshe, 2025 jylǵy 1 tamyzdaǵy jaǵdaı boıynsha 429 myń jumyssyz azamat tirkelgen. Jumyssyzdyq boıynsha járdemaqy tóleýge Memlekettik áleýmettik saqtandyrý qorynda 127 mlrd teńge qarastyrylǵan. Alaıda bul kómekti is júzinde muqtaj emes adamdar da alǵan jaǵdaı anyqtalǵan.
«Konstıtýsııa kepildik bergen barlyq áleýmettik tólemder azamattarǵa tolyq kólemde ári qysqartýsyz tólenedi. Ońtaılandyrý tek qana teris paıdalaný jaǵdaılaryn joıýǵa jáne áleýmettik kómektiń ataýlylyǵyn arttyrýǵa baǵyttalǵan. Únemdelgen qarajat shyn máninde muqtaj azamattarǵa qoldaýdy kúsheıtýge múmkindik beredi», dedi Ermek Kósherbaev.
Vıse-premer áleýmettik shyǵystardy ońtaılandyrý baǵytynda Qyzylorda oblysy úlken jumys júrgizgenin atap aıtty. О́ńirde jekemenshik balabaqsha men mektepti qarjylandyrýǵa, «Artsport» baǵdarlamasyna, granttarǵa jáne basqa da baǵytqa bólingen qarajatqa keshendi taldaý jasaldy. Nátıjesinde, tıimsiz shyǵystar anyqtalyp, shamamen 100 mlrd teńge únemdeldi. Únemdelgen qarajat óńirdiń áleýmettik ınfraqurylymyn damytý men az qamtylǵan otbasylardy qoldaý sııaqty basym mindetterge baǵyttaldy. Oblys ákimi Nurlybek Nálibaev bul tájirıbeni eldiń basqa óńirlerinde de qoldanýǵa bolatynyn aıtty. Semınarǵa qatysýshylar Qyzylorda oblysynyń úzdik tájirıbelerin jergilikti bıýdjet erekshelikteri men halyqtyń áleýmettik qajettilikterin eskere otyryp beıimdeýge daıyn ekenin bildirdi.
Eńbek jáne halyqty áleýmettik qorǵaý mınıstri Svetlana Jaqypova: «Basty maqsatymyz – áleýmettik qorǵaý júıesin ádiletti ári tıimdi etý. О́tken jyly áleýmettik salaǵa 6,1 trln teńgeden astam qarjy bólindi, bul qarajat barynsha nátıjeli jumys istep, shynymen qıyn jaǵdaıdaǵy otbasylarǵa kómek bolyp jetýge tıis», dedi.
Semınar qorytyndysynda qatysýshylarǵa halyq arasynda túsindirý jumystaryn kúsheıtý, ásirese konstıtýsııalyq turǵydan kepildik berilgen áleýmettik tólemderdiń ózgermeıtini jáne bıýdjet qarajatynyń ádil bólinýi týraly aqparatty jetkizý tapsyryldy.
