«Búginde oblysta 160-tan astam mektep jumys isteıdi. Sońǵy jyldary halyq sanynyń qarqyndy ósýine baılanysty jańa mektepter salý basty mindetterdiń biri bolyp otyr. Bıyldyń ózinde 6 jańa mektep paıdalanýǵa berildi. 2026 jylǵa deıin taǵy 12 mekteptiń qurylysyn aıaqtaý josparlanǵan», – dedi Amantaı Qumbaev.
Onyń aıtýynsha, jańa oqý jylyna daıyndyq barysynda barlyq mektepter oqýlyqtarmen tolyq qamtamasyz etildi. Mektepterdiń materıaldyq-tehnıkalyq bazasyn nyǵaıtý úshin oblystyq bıýdjetten qosymsha qarjy bólindi. Interaktıvti taqtalar, kompıýterlik synyptar jáne pándik kabınetter jańartylyp jatyr.
«Muǵalim tapshylyǵy máselesi bar, ásirese matematıka, fızıka jáne ınformatıka pánderinde. Bıyldyń ózinde oblysqa 450 jas maman keldi, onyń ishinde 80-ge jýyǵy – aýyldyq mektepterge. Jas pedagogterge turǵyn úı jaldaý boıynsha járdemaqy jáne kótermeaqy qarastyrylǵan», – dedi ol.
Amantaı Qumbaev erekshe qajettilikteri bar balalarǵa arnalǵan mektepter men synyptardyń kóbeıip jatqanyn aıtty.
«Oblysta ınklıýzıvti bilim berýmen qamtý 75%-ǵa jetti. Bul baǵytta arnaıy pedagogter daıarlaý isine mán berip otyrmyz. Sondaı-aq, 3-6 jas aralyǵyndaǵy balalardy balabaqshamen qamtý deńgeıi 99%-dy qurap otyr», – dedi ol.
Mańǵystaýda “Keleshek mektebi” ulttyq jobasy aıasynda jańa úlgidegi bilim oshaqtary boı kóterip jatyr. Sonymen qatar oqýshylardyń fýnksıonaldyq saýattylyǵyn arttyrý, aǵylshyn tilin tereńdetip oqytý, sıfrlyq daǵdylardy damytý baǵytynda pılottyq jobalar iske asýda».
«Basty maqsatymyz – balalarǵa sapaly bilim men zamanaýı jaǵdaı jasaý. Bul baǵyttaǵy jumystar oblys ákiminiń baqylaýynda. Biz ustazdarmen, ata-analarmen jáne qoǵammen tyǵyz baılanysta jumys istep, ortaq maqsatqa birge jetemiz», – dep qorytyndylady Amantaı Kýmbaev.
