Atyraýlyq muǵalim naýbaıhana ashty

ATYRAÝ. 18 aqpan. Atyraý oblysynda muǵalim Nadejda Erkebaeva bala kútimindegi demalysta júrgenine qaramastan naýbaıhana isin jandandyrýdy qolǵa aldy. Bul týraly egemen.kz tilshisi habarlady. Janbaı aýylyndaǵy orta mektepte aǵylshyn tilinen dáris bergen Nadejda Erkebaeva besinshi balasyn ómirge ákelip, bala kútimi úshin demalys alǵan. Endi bos ýaqytyn tıimdi paıdalaný maqsatynda enesi Lázzat Tastanovamen birge naýbaıhana ashýǵa bel býypty. Naýbaıhana tehnologııasyn óz qarjysyna satyp alypty. Sóıtip, aýlasyndaǵy jazǵy saraıdy naýbaıhanaǵa aınaldyryp, tutynýshyǵa nan jáne nan ónimderin usyna bastady. Onyń basqarýyndaǵy «Jaına» naýbaıhanasynyń ystyq peshinen shyqqan ónimderge suranys artyp keledi. «Biz naýbaıhanamyzda pisirilgen nan jáne nan ónimderin aýylymyzdaǵy 8 dúken, mektep pen balabaqsha ashanalary tapsyryspen alady. Kórshiles Zıneden aýylynyń turǵyndaryna da óz ónimderimizdi usynamyz. Ár kún saıyn tutynýshyǵa 350-ge jýyq nan bólkeleri jóneltiledi. Osy isimdi keńeıtip, aýyldastaryma qosymsha jumys ornyn ashýdy oılastyryp júrmin», deıdi otbasylyq kásipti dóńgelete bastaǵan muǵalim Nadejda Erkebaeva. Joldasbek Shópeǵul. Derek, sýret: «Atyraý» gazeti.