BRAZILIIа ALTYNShY ASÝYN BAǴYNDYRA ALMADY

Keshe fýtboldan Ońtústik Afrıka Respýblıkasynda ótip jatqan álem chempıonatynda alǵashqy shırek fınal­dyq kezdesý ótkizgen Gollandııa men Brazılııa qurama­larynyń arasyndaǵy oıynda ońtústikamerıkalyq aıaq dop sheberleri jıyrma jyldan beri alǵash ret jartylaı fınalǵa joldama ala almaı, qarsylastarynan jeńilip qaldy. Asa tartysty, shıelenisti ótken bul matchta “pen­teo­kam­peondar” gollandyqtardan 1:2 esebimen jeńilip, álem chempıonatymen qosh aıtysýǵa májbúr boldy. Al Gollandııa quramasy óziniń tarıhynda osymen tórtinshi ret jartylaı fınalǵa joldama alyp otyr. Onyń ekeýinde ­– 1974 jáne 1978 jyldary ótken álem chem­pıonattarynyń fınalyna shy­ǵyp, sol kezdesýlerde alań ıeleri – Germanııa men Argen­tı­nadan jeńilis tapqan edi. Gollan­dııanyń úshinshi jartylaı fınal­dyq oıyny 2002 jyly osy Brazı­lııa quramasymen ótkenin bilemiz. Sol Ońtústik Koreıa men Japonııada ótken mýndıalde gollandyqtar qarsylastaryna matchtyń sońynda berilgen penal­tıden ǵana ese jiberip alǵan bolatyn. Sóıtip, qos quramanyń tórtin­shi márte joly túıisken bıylǵy dodada eýropalyqtar kópten beri kútken esesin qaıtaryp aldy dese bolady. Bul matchta Gollandııa, ásire­se, 2-shi kezeńde qaı jaǵynan alyp qaraǵanda da brazılııa­lyq­tardan basym boldy desek, artyq aıt­q­andyq emes. Qysqa­sy, Dýnga Karlostyń shákirtteri Van Marveık Berttiń aıaqdop sheberleriniń aldynda sharasyz­dyq tanytty. Osy kezdesýde Gollandııa quramasyndaǵy Ýeslı Sneıderdiń oıynnyń ekinshi jartysynda soqqan doby matchtyń taǵdyryn sheship berdi. Kezdesýde brazılııalyqtar al­ǵashqy bolyp dop soqqan edi. Oıy­­nyń 10-mınótinde Robıno­nyń ádemi goly otandastaryn jeńis­ke jigerlendirgendeı bolǵan. Alaıda, gollandyqtardyń ekinshi taımda taıly-tuıaǵymen qarsylas­tarynyń qaqpasyna lap qoıyp, shabýyldaǵanyna Dýnganyń esigin aıqara japqan qorǵanysy shydaı almaı, eki dopty jiberip aldy. ­Bul kezdesýdiń asa tartysty ótkenin bas tóreshiniń bes sary qaǵaz jáne bir qyzyl qaǵaz kórset­keninen de kórýge bolady. Endi osymen tórtinshi ret mýndıal­diń jartylaı fınalyna shyqqan gol­lan­dyqtardyń kelesi qarsylasy Ýrýg­vaı men Gana arasyndaǵy kezdesýde anyqtalady. Shırek fınaldan budan basqa oıyndary Paragvaı men Ispanııa jáne Argen­tına men Germanııa qurama­lary arasynda ótedi. Qazir “nemis máshınesiniń” Dıego Maradonanyń shákirtterinen basym túsetini jónin­de arakidik aıtylýda. Ger­manııanyń chempıonatqa bara almaǵan shabýylshysy Mıhael Ballak otandastaryna Argentı­nany 3:1 esebimen jeńedi degen boljam jasasa, ózge eldiń qurama komandalarynyń bas bapkerleri de osyndaı pikir bildirýde. Osy matchtyń jáne shırek fınaldaǵy basqa da oıyndardyń nátıjelerin gazetimizdiń kelesi nómirinde habar­laıtyn bolamyz. Álem chempıonatyna qatysty taǵy bir derek keltirsek, qazir Gollandııa men Brazılııa oıynyn qosa eseptegende 57 kezdesý ótip, onda 129 gol soǵylypty. Al matchtardy sta­dıon­nan tamasha­laǵan jan­kúıer­lerdiń sany 2 691 011 adam­ǵa jetken. Ortasha alǵanda bir oıynǵa 48 054 adam kelgen eken. Dastan KENJALIN.