Týrnır aınalmaly júıe úlgisinde ótedi. Jarystyń qorytyndysynda alǵashqy eki oryndy ıelengen komandalar «A» tobyna ótse, sońǵy oryn alǵan qurama «C» tobyna túsedi. Sondaı-aq bul birinshilikte «Mılan-2026» XIV qysqy Paralımpıada oıyndaryna irikteý týrnırine beriletin eki joldama sarapqa salynady. Irikteý jarysy 5–10 qarasha aralyǵynda Norvegııanyń Iessheım qalasynda ótedi. Jarysta Paralımpıadaǵa tikeleı joldama alatyn quramalar anyqtalady.
«Astanada parahokkeıden (B-pýl) álem chempıonatyn ekinshi ret ótkizý – bizge úlken mártebe. Alǵashqy týrnır 2023 jyly ótti, ol kezde quramamyz 4-orynǵa turaqtady. Bıyl joǵary nátıje kórsetip, Paralımpıadaǵa joldama alý úshin bar kúshimizdi salamyz», dedi elimizdiń parahokkeı federasııasynyń bas hatshysy Qaırat Sabırov.
Parahokkeıden álem chempıonaty Týrızm jáne sport mınıstrligi, Astana qalasynyń ákimdigi, «Sport Qory», «Samuryq Qazyna» AQ-nyń qoldaýymen uıymdastyrylady.
