– Evgenıı Andreevıch, jyl saıyn ótkizilip júrgen «Mektepke jol» aksııasynyń bıyl qandaı ereksheligi bar?
– Aksııa – jaı ǵana materıaldyq kómek emes, bul ár balaǵa qoǵamnyń nazaryn aýdarý, olar jalǵyz emes ekenin sezindirý. «Jomart jan» ortalyǵy arqyly biz myńdaǵan balanyń mektepke daıyndyqpen barýyna yqpal etip kelemiz. Bıyl da osy baǵytta birqatar óńirde jumys júrip jatyr. Tek mektepke qajetti qural-jabdyqtarmen qamtamasyz etip qana qoımaı, olarǵa rýhanı demeý berýdi de basty maqsat ettik.
Jaqynda elordalyq Dostyq úıinde «Baqytty shańyraq» qoǵamdyq qorynyń jáne «Erekshe balalar ata-analarynyń odaǵy» RQB balalaryna jańa oqý jylyna daıyndyq aldynda materıaldyq kómek kórsetildi. Qaıyrymdylyq aksııasy barysynda 100-den asa bala mektep sómkelerimen jáne oqý quraldarymen qamtamasyz etildi.
Al ótken jyly osy baǵytta 7 199 oqýshy men 4 544 otbasyna jalpy 260 mln teńge kóleminde qoldaý kórsetilgen edi. Oǵan qajetti mektep qural-jabdyqtaryn satyp alynyp, sonyń ishinde sómkeler, keńse taýarlary, noýtbýktar, mektep kıimi jáne taǵy basqa dúnıeler úlestirildi. Mundaı janashyrlyq sharalarynyń aýqymy keń. Máselen, byltyr Qaraǵandy oblysyndaǵy eki aýyl mektebin ınteraktıvti taqtalarmen jabdyqtap, balǵyndardyń sapaly bilim alýyna jaǵdaı jasadyq. Iаǵnı qaıyrymdylyq tek materıaldyq kómekpen shektelmeıdi, bul bilim men bolashaqqa salynǵan ınvestısııa deýge bolady.
Aıta keteıik, jańa erejelerge saı, jekemenshik mektepterde oqıtyn, biraq áleýmettik osal sanatqa jatatyn balalar da aksııa aıasynda materıaldyq kómek alýǵa quqyly.
– «Jomart jan» ortalyqtarynyń qyzmeti týraly keńirek aıtyp berseńiz.
– Prezıdent Qasym-Jomart Toqaevtyń Atyraýdaǵy úshinshi Ulttyq quryltaıda belgilengen mindetterine sáıkes, Qazaqstan halqy Assambleıasy óziniń qaıyrymdylyq qyzmetiniń tıimdiligin arttyrý jáne onyń áleýmettik mańyzdylyǵyn nyǵaıtý boıynsha túrli sharalar qabyldady. Sonyń biri retinde byltyr respýblıka kóleminde QHA-nyń «Jomart jan» qaıyrymdylyq ortalyqtary ashyldy. Qazirgi ýaqytta bir respýblıkalyq jáne 20 óńirlik ortalyq jumys istep tur. 350-den asa belsendimiz bar. Olardyń qataryn eldegi etnomádenı birlestikterdiń ókilderi, mesenattar, qaıyrymdy eriktiler men jastar quraıdy. Jumysymyz negizgi tórt baǵyt boıynsha júredi: «Júrekten júrekke», «Meıirim» jobasy, «Qamqor» baǵdarlamasy jáne joǵaryda atap ótken «Mektepke jol» aksııasy.
«Júrekten júrekke» jobasy byltyr el basyna túsken qıyn sátte judyryqtaı jumylyp, jedel áreket etti. Qarǵyn sýdan zardap shekken aǵaıynǵa 805 mln teńgeden asa qarajatqa 1 700 tonnadan artyq gýmanıtarlyq júk jóneltildi. Qalpyna keltirý jumystaryna Assambleıanyń 12 myńnan asa eriktisi atsalysyp, birlik pen janashyrlyqtyń úlgisin kórsetti. Sonymen qatar eń osal otbasylar úshin jalpy somasy 90 mln teńgege jýyq úı satyp alynyp, tabystaldy.
Al «Meıirim» jobasy – áleýmettik osal toptardyń ómir sapasyn jaqsartýǵa baǵyttalǵan bastama. Onyń aıasynda 1 320 otbasynyń jáne 483 azamattyń shuǵyl áleýmettik máseleleri sheshimin tapty. Astana qalasy men Maqtaaral aýdanynda kópbalaly otbasylarǵa baspana kilti tabystalyp, myńdaǵan jannyń úmiti aqtaldy.
«Qamqor» baǵdarlamasy sheńberinde balalarǵa arnalǵan oıyn, al jastarǵa sport alańdary salynyp, sport ortalyqtary qajetti zamanaýı qural-jabdyqtarmen qamtamasyz etildi. Máselen, Aqtaý qalasynda qoǵamdyq oryndarǵa tennıs ústelderi ornatylsa, Atyraýda sporttyq jarystar aıasynda balalarǵa velosıpedter syıǵa tartyldy. Jalpy, byltyr Assambleıa 1,3 mlrd teńgege jýyq qaıyrymdylyq kómek kórsetti.
Bıyl «Jomart jan» ortalyǵynyń qyzmeti qaıyrymdylyq baǵyttaǵy keń aýqymdy aksııalar men jobalardy júzege asyrýǵa baǵyttalady. Qazirgi ýaqytta osy jáne kelesi jylǵa arnalǵan birqatar jańa bastamalar daıyndalyp jatyr. Sonymen qatar, Assambleıanyń qoǵamdyq qurylymdarynyń da bastamalaryna qoldaý kórsetiledi. Atap aıtqanda, Analar keńesi men Assambleıa jastary sekildi uıymdardyń jobalary, sondaı-aq «Jeńis birlikte» baǵdarlamasy aıasyndaǵy qaıyrymdylyq jáne sporttyq is-sharalar iske asyrylady.
– Osyndaı bastamalardyń áleýmettik maqsattardan tys taǵy qandaı mańyzy bar?
– Bul jobalardyń eń basty maqsaty – qoǵamdy biriktirý, adamdar arasyndaǵy senim men janashyrlyqty kúsheıtý. Otandastarymyzdyń arasynda ózara qoldaý men jaýapkershilik mádenıetin nyǵaıtýǵa septigin tıgizý. Biz bir-birimizge kómektesip úırensek, qıyn jaǵdaıda qalǵan janǵa beıjaı qaramasaq, mine, sol – shynaıy damyǵan qoǵamnyń kórsetkishi. QHA-nyń «Jomart jan» bazasyndaǵy jobalardyń negizgi ıdeıasy – tek kómek kórsetý emes, ol tárbıeniń, izgiliktiń, úmittiń rámizi. Demek ortalyq belgili bir deńgeıde elimizdiń áleýmettik saıasatyn iske asyrýdaǵy mańyzdy tetikterdiń birine aınalyp otyr.
– Áńgimeńizge rahmet.
Áńgimelesken –
Zeıin ERǴALI,
«Egemen Qazaqstan»
