Fýtzal: Qazaqstan quramasy Portýgalııany jeńdi

ASTANA. 20 naýryz. Fýtzaldan 2016 jylǵy Eýropa chempıonatyna irikteý týrnıri aıasynda Qazaqstan Portýgalııa quramasyn 3:1 esebimen jeńdi. Atalǵan týrnırde Qazaqstan 7-topta Portýgalııa, Rýmynııa jáne Grýzııa quramalarymen kelesi kezeń joldamasyn sarapqa salýda. Bul týraly egemen.kz habarlady. Oıynnyń úshinshi mınýtynda Portýgalııa alǵa shyqty. Nátıjeli soqqynyń avtory – Rıkardıno. Úziliske sanaýly mınýttar qalǵan kezde qarsylastarymyzdyń shabýylshysy Kardınal qyzyl qaǵaz alyp, alańnan ketti. Degenmen, bul múmkindikti bizdiń fýtbolshylar paıdalana almady. Qazaqstan quramasy esepti oıynnyń 28-mınýtynda teńestirdi. Áriptesterinen pas alǵan Nıkolaı Pengrın Portýgalııa qaqpashysyn qapy qaldyrdy. Brazılııalyq maman Kakaýdan tálim alatyn fýtbolshylarymyz arada 8 mınýt ótkende esepte alǵa shyqty. Bul joly mergendigimen kózge túsken Mıhaıl Pershın bolatyn. Al oǵan nátıjeli pas shyǵarǵan qazaq fýtbolshysy Serik Jamanqulov. Oıyn sońynda deıin tarazy basyn teńestire almaǵan Pıreneı túbeginiń ókilderi táýekelge bardy. Qaqpashyny oıynshyǵa almastyrǵan olar shabýyl shebin kúsheıtti. Ekinshi goldy soǵýǵa degen yntasy sonshalyq Portýgalııa oıynshylary qorǵanysty múldem qaraýsyz qaldyrdy. Kezekti soqqylardyń birinde dopty qaǵyp alǵan Qazaqstannyń qaqpashysy Igıta birden qarsylastyń qaqpasyn nysanaǵa aldy. Dop dittegen jerge dóp túsip, Qazaqstan úshinshi goldy soqty. Bizdiń qurama úshin bul osy týrnırdegi alǵashqy jeńis. Ázirge qorjynymyzda úsh upaı bar. Sondaı-aq, Portýgalııa da osynsha upaıǵa ıe. Top basynda 6 upaımen Rýmynııa keledi. Grýzııada ázirge upaı joq. Qazaqstan sońǵy matchty 21 naýryz kúni grýzınderge qarsy ótkizedi. Astana ýaqyty boıynsha 21:00-de bastalatyn oıyn biz úshin sheshýshi bolmaq. Alǵashqy kezdesýde Rýmynııadan 4:6 esebimen jeńilgen edik. Al Portýgalııa Grýzııany 7:0 esebimen tas-talqan etip jeńdi. Elaman Qońyr. Derek: egemen.kz. Sýret: kairat-futsal.kz.