Festıval teatr ujymdary arasyndaǵy shyǵarmashylyq baılanysty arttyryp, kásibı yntymaqtastyqty damytý jáne halyqaralyq teatr keńistigine ıntegrasııalanýdy kózdeıdi.Sonymen qatar festıval qazaq mádenıetinde óshpes iz qaldyrǵan Bıken Rımovanyń esimin máńgi este qaldyrýǵa baǵyttalǵan. Uıymdastyrýshylardyń aıtýynsha, atalǵan is-shara jas rejısserler men akterlerdiń, dramatýrgter men sýretshilerdiń jańa býynyn qoldap, olardyń kásibı damýyna serpin beredi.
Halyqaralyq deńgeıde ótetin festıval 12–17 qyrkúıek aralyǵynda Taldyqorǵanda sahnalanady. Úshinshi ret jalaýyn kótergeli otyrǵan óner dodasyna Grýzııa, Qyrǵyzstan, О́zbekstan jáne Qazaqstannyń túkpir-túkpirinen kelgen toǵyz teatr ujymy qatysady. Bul qatysýshylar shyǵarmashylyq izdenisteri men tyń qoıylymdaryn kópshilik nazaryna usynady.
Festıvaldiń synshylar alqasynda elge tanymal óner qaıratkerleri teatrtanýshy, ónertaný doktory, professor, «Qurmet» ordeniń ıegeri Nurpeıis Baqyt Kákıqyzy, О́nertaný kandıdaty, О́zbekstan memlekettik óner jáne mádenıet ınstıtýtynyń dosenti Kopadze Aıbek Veısal oglý, belgili teatrtanýshy, Tatarstan Respýblıkasy Mádenıet mınıstriniń keńesshisi Nııaz Iglamov jáne Shota Rýstavelı atyndaǵy Tbılısı memlekettik teatr jáne kıno ýnıversıtetiniń professory, ónertaný doktory Gıorgı Skıtıshvılı men Qazaqstan Respýblıkasynyń Memlekettik syılyǵynyń eki márte ıegeri, Qyrǵyz Respýblıkasynyń Eńbek sińirgen artısi, prodıýsser, rejısser Joljaqsynov Doshan Qalıuly bar.
Mereıtoı aıasynda ótetin festıval Qazaqstan teatr óneriniń damýyna jańa serpin berip, halyqaralyq deńgeıdegi shyǵarmashylyq baılanysty nyǵaıtýǵa yqpal etedi.
