Oljas Bektenov: El taǵdyryna qatysty tarıhı oqıǵanyń kýágeri boldyq

20 ret

kórsetildi

1 mın

oqý úshin

Premer-mınıstr Oljas Bektenov keshegi ótken referendýmǵa qatysty pikir bildirdi. Ol jalpyhalyqtyq referendýmda Qazaqstan azamattary aýyzbirshilik pen naǵyz otanshyldyqtyń úlgisin kórsetip, Memleket basshysynyń aýqymdy saıası jáne áleýmettik-ekonomıkalyq reformalaryna jappaı qoldaýyn bildirgenin atap ótti, dep habarlaıdy Egemen.kz.

Baıan SÚLEIMENQYZY

Oljas Bektenov: El taǵdyryna qatysty tarıhı oqıǵanyń kýágeri boldyq

Oljas Bektenov elimiz Prezıdent Qasym-Jomart Kemeluly Toqaevtyń basshylyǵymen senimdi túrde damýdyń jańa kezeńine qadam basqanyna aıryqsha toqtaldy.

«Biz sizdermen birge aýqymy men mán-mańyzy turǵysynan el taǵdyryna qatysty tarıhı oqıǵanyń tikeleı kýágeri boldyq. Prezıdentimiz atap ótkendeı, qazaqstandyqtar jańarý men jańǵyrý úshin daýys berip, memlekettigimizdi nyǵaıtýǵa óz úlesterin qosty. Ádiletti ári О́rkendegen Qazaqstannyń jańa tarıhy ulttyq dástúrlerimiz ben mádenıetimizdi ulyqtap, tek demokratııalyq qundylyqtar negizinde qalyptasyp jatyr. Barsha qazaqstandyqtardy Otanymyzdyń Birligi men Táýelsizdiginiń jáne Egemendiginiń sımvoly sanalatyn jańa Konstıtýsııanyń qabyldanýymen quttyqtaımyn!», dedi ol.

Memleket basshysy: 15 naýryz – Konstıtýsııa kúni bolyp belgilenedi

Úkimet basshysy el azamattarymen birge júrgizilip jatqan ózgeristerdiń sapasy men damý qarqynyn qamtamasyz ete otyryp, alǵa qoıylǵan maqsat-mindetterge qol jetkizetinine senim bildirdi.