Foto: Aqorda
Prezıdentke jańa keńistiktiń shyǵarmashyl jastar, ınvestorlar men týrıster bas qosatyn orynǵa aınalatyny jóninde baıandaldy.
Shoýrým formatynda bezendirilgen keńsede kreatıvti ónim ázirleýdiń tolyq sıkli kórsetilgen. Sol arqyly kópshilik qarapaıym ıdeıany óndiriske aınaldyrýǵa deıingi shyǵarmashylyq úrdistiń qalaı júrgiziletinin tamashalaı alady.
Prezıdent: Tazalyq uǵymy qoǵamdyq máni zor qundylyqqa aınalyp jatyr
Memleket basshysy zergerlik jáne aǵash sheberhanalaryn, mýzyka, kilem toqý, beıneleý óneri zaldaryn, fashion-aımaqty aralady.
Yurt Capsule – mundaǵy negizgi orynnyń biri. Bul keńistikte kıiz úıdiń dástúrli formasy tehnologııalyq turǵydan jańa keıipke engen. Joba sıfrlyq ónerdi, mýltımedııalyq kontentti jáne mádenı storıtellıngti bir arnaǵa toǵystyrady.
Ekologııa máselesin eshqandaı el jalǵyz sheshe almaıdy: Prezıdent jastarǵa tarıhı mıssııa júktedi
Qasym-Jomart Toqaevqa elimizdiń brendin qalyptastyrý tujyrymdamasy jaıynda málimet berildi. Bastama mádenı muralarymyzdy zamanǵa saı jańasha ınterpretasııalaý, kreatıvti ındýstrııany damytý jáne ulttyq biregeılikti nyǵaıtý arqyly elimizdiń týrıstik áleýetin arttyrýdy kózdeıdi.
Toqaev «Taza Qazaqstan» aksııasyna qatysqan bir top azamatty marapattady
Kreatıvti ındýstrııany damytý qory talantty jastardy izdep taýyp, olarǵa qoldaý kórsetý, ınvestısııa tartý, ınfraqurylymdy jetildirý sekildi tórt negizgi baǵyt boıynsha jumys isteıdi. Otandyq kreatıvti ónimderdi syrtqy naryqqa shyǵarýǵa yqpal etedi. Sonymen qatar barlyq oblys ortalyǵynda ashylǵan óńirlik habtardyń qyzmetin úılestiredi.
Búginde Qazaqstannyń kreatıvti ekonomıka salasynda shamamen 48 myń kásipkerlik nysan bar. Olar 160 myńǵa jýyq adamdy jumyspen qamtyp otyr. Indýstrııaǵa kıno, anımasııa, geımdevelopment, sıfrlyq óner, sán, dızaın jáne halyqtyq qolóner sekildi salalar zor úles qosýda.
