Beımálim er adam salonǵa kirip, ákimshige dóreki túrde ájethananyń qaıda ekenin kórsetýdi talap etken. Qyzmetker odan ketýin suraǵanda: «Al eger men bireýdi óltirip qoıǵan bolsam she?» dep ses kórsetken. Záresi ushqan boıjetken oǵan esikti kórsetip, er adam jýynǵannan keıin ǵana ǵımarattan shyǵyp ketken. Salon qyzmetkeri birden polısııaǵa habarlasqan.
Almatyda aıaldamada zeınetkerdi aıaýsyz soqqyǵa jyqqan er adam ustaldy
Almaty qalalyq polısııa departamenti er adamnyń jeke basy anyqtalyp, jedel túrde ustalǵanyn habarlady. Aldyn ala málimet boıynsha, ol mas kúıde bolǵan.
«Onyń dene jaraqatyn ózi salǵany anyqtaldy. Vıdeodaǵy qan – óz qany. О́zge adamdarǵa zııan keltirý faktisi tirkelgen joq. Ol aınalasyndaǵylarǵa eshqandaı qaýip tóndirmegen», dep málimdedi vedomstvo ókilderi.
Áleýmettik jelide taraǵan vıdeoda ustalǵan adamnyń janynan armatýra men pyshaq tabylǵany aıtylǵan. Qazirgi ýaqytta quqyq qorǵaý organdary oqıǵanyń barlyq jaǵdaıyn jan-jaqty zerttep jatyr.
