Prezıdent Qazaqstanda sońǵy jyldary kóp ózgeris bolǵanyn, bul kózge kórinip turǵanyn atap ótti
«Qalalarymyz ben aýyldarymyz tazaryp, topyraqtyń, sýdyń, aýanyń lastanýy azaıa tústi. Iri kásiporyndarda zııandy shyǵaryndylardy tómendetý baǵytynda jumys atqarylyp, úzdik ekologııalyq tájirıbeler engizilýde, qatty qaldyqtardy qaıta óńdeý isinde alǵa ilgerileý bar. Alaıda kemshilikter de az emes, alda jumys kóp. Eń bastysy, ekonomıka ǵana emes, azamattarymyzdyń turmys salty men oı-sanasy da ózgerýde. Jańa Konstıtýsııamyzda jasampaz patrıotızm, birlik, yntymaq, tabıǵatty aıalaý qaǵıdattary tirshiliktiń negizgi irgetasy retinde bekitildi. Buǵan belgili dárejede «Taza Qazaqstan» jobasynyń, ıaǵnı, el jastarynyń áseri bolǵany ras. Men ózderińizdi maqtan tutamyn. Sizderge alǵysym sheksiz», dedi Prezıdent.
Prezıdent: Tazalyq uǵymy qoǵamdyq máni zor qundylyqqa aınalyp jatyr
Memleket basshysy eki jylda atalǵan progressıvti bastama jalpyulttyq qozǵalysqa aınalǵanyn atap ótti.
«Joba tyń mazmunmen tolyǵyp, shyn máninde, Ádiletti Qazaqstan ıdeıasynyń ózegine aınalyp keledi. «Taza Qazaqstan» qaǵıdaty, «Zań jáne tártip», «Adal azamat» tujyrymdamalary tutas qundylyqtar júıesin qurap, memlekettik basqarý men qoǵamnyń ajyramas bólshegi bolýǵa tıis. Muny jan-jaqty ilgeriletý úshin bedeli bıik belgili azamattardy tartqan durys. Jańa ıdeologııanyń basty dáripteýshisi – jastar», dedi Qasym-Jomart Toqaev.
Ekologııa máselesin eshqandaı el jalǵyz sheshe almaıdy: Prezıdent jastarǵa tarıhı mıssııa júktedi
