Foto: Úkimettiń baspasóz qyzmeti
Basty mindet óńirinde bilim sapasynyń biryńǵaı standarttaryn qamtamasyz etý úshin ınfraqurylymdy jańǵyrtý. Bıyl jalpy syıymdylyǵy 267 myń oryn bolatyn qurylysy júrip jatqan 232 jańa mektepti paıdalanýǵa berý josparlanǵan. Bul úsh aýysymdy oqytý máselesin sheshýge múmkindik bermek.
Sonymen qatar qoldanystaǵy ǵımarattardy jańǵyrtý baǵdarlamasy iske asyrylyp jatyr. 2025 jyly 245 mektepte kúrdeli jóndeý júrgiziledi. Qosymsha 1 myńnan astam aýyl mektebi jańǵyrtylady. Sondaı-aq 680 uıym úshin 1,1 myńnan astam zamanaýı pándik kabınet satyp alynady. Mektep oqýlyqtarynyń 100%-yn ınteraktıvti mazmundy elektrondyq formatqa tolyq kóshirý mańyzdy mindetterdiń biri.
Aıta keteıik, búginde mektepterdiń 90%-da ınklıýzıvti bilim berýge jaǵdaı jasalǵan, 85% bala qajetti qoldaý alyp otyr.
Arnaıy uıymdardyń jelisi keńeıtilgen: 508 mekeme jumys isteıdi, 121 qoldaý kabıneti ashyldy. Erekshe qajettilikteri bar balalarǵa pedagog-assıstent, arnaıy pedagog jáne jeke kómekshi shtattary engizilgen. Aldaǵy ýaqytta úzdiksiz ınklıýzıvti bilim berýdiń Ulttyq ortalyǵyn quryp, sondaı-aq «Erekshe bilim berýdi qajet etetin balalardy keshendi qoldaý týraly» Zań ázirleý josparlanǵan.
