BIRLIGIMIZ JARASQAN!

TATÝLYQ — TURAQTYLYQ BASTAÝY Búgingi kúni elimizde jappaı júrip jatqan “Birligimiz jaras­qan!” áleýmettik-aqparattyq ak­­sııasyn uıymdastyrýshy Aza­mat­tyq alıans aksııa boıynsha jasalǵan jumystardyń aldyn ala qorytyn­dy­syn jarııa etti. Bıylǵy jyldyń sáýir aıynda qa­lamyzdaǵy qırap jatqan bala­lardyń sport alańyn jóndeıik dep ún tastaǵanymyzda biz onyń osyn­daı respýblıkalyq aýqymǵa ulasa­tynyn esh bilgenimiz joq, degen Aza­mattyq alıanstyń Temirtaý qala­syndaǵy fılıalynyń ókili Aıan Ahmetov. Búgin ol alańda ba­lalarmen qatar úlkender de sport­pen shuǵyldanýda, qalamyzda júr­gizilgen osyndaı 23 shara ıgiligin tur­ǵyndar kórip jatyr. Men ob­lys­tyq qosymsha mektep-ın­ter­nat­ta jumys jasaımyn. Jasyratyn nesi bar, kóbine bizdiń tárbıe­le­ný­shilerimizge erekshe qoǵamdyq pikir­diń bar ekeni aıan. Al osy aksııa barysynda bizdiń balalar ózderin eshkimnen kem sezingen joq. “Bir­ligimiz jarasqan!” aksııasynyń bar­lyq kezeńderine ózge balalardaı teń aralasty. Bizdiń aksııanyń da basty maqsatynyń biri – eshkimdi bólip jarmaı, birlikke shaqyrý bo­latyn. Endeshe, bizdiń bastamamyz, etken eńbegimiz esh ketken joq. Ony respýblıka jurtshylyǵynyń qoldaýy biz úshin úlken qýanysh, dep aıaqtaǵan sózin ol. Shynynda da, Temirtaýdan bas­taý­yn alǵan ıgi nıet búkil elge ta­rap, qulashyn keńge sermegen. Sóı­tip, oǵan qoǵamdyq uıymdar, ká­sip­kerler, ardagerler, jýrna­lıs­ter, jas­­tar men stýdentter, áske­rıler men zań qyzmetkerleri, bı­likpen qatar qarapaıym adamdar da keńinen qatynasyp, eki aıdyń ishin­de 470 is-shara ótkizilip, 300 myń qazaq­stan­dyq onyń maǵynaly ótkizilýine óz úlesterin qosty. 137 sharasy eli­miz­diń basty qala­la­rynda júrse, endi jaqyn arada 60 shara ótkizilmek. Olar­dyń ishinde Astana kúnine ar­nalyp uı­ymdas­ty­rylatyndary da bar. Qazaqstandyqtar osy aksııa ba­rysynda ózderiniń naǵyz birlikteri jarasqan, yntymaqtyń qadirin uǵy­natyn bir eldiń ulandary eken­digin jáne Otan súıýdiń úlgisin kórsetti, dedi “Azamattyq alıans” zańdy tulǵalar birlestiginiń atqa­rýshy dırektory Alına Hamat­dı­nova. Aksııa barysynda biz oǵan qatysýshylardyń sanynyń ósýin mindettengenimiz joq, oıymyz árbir qazaqstandyq óziniń osy eldiń aınymas bólshegi ekenin sezse degenbiz. Jan jylylyǵy árbir oshaq­qa enip, árbir azamat sol shýaq­qa bólense degen izgi oıymyz bo­latyn. Sol sebepten dáriger­le­rimiz apat oryn alǵan Qyzyl­aǵash­qa baryp kómek kórsetti, О́ske­men­de “Tek rahmet aıtyńyz” degen dú­ken ashylyp, qaıyrymdy jandar áke­lip ótkizgen zattardy muqtaj­dyq kórip júrgender kelip tegin alyp, alǵystaryn jaýdyryp jat­ty. Aksııa áli de jalǵasyn tappaq. Biz onyń jartylaı qorytyndysyn jasap, sizderdi jáı habardar etip otyrmyz, degen ony uıymdasty­rýshylar. Anar TО́LEÝHANQYZY. ASTANA.

________________________

JÚREKTEN ShYQQAN SО́Z

Búginde bar­sha qazaqstan­dyq­tardyń nazary elordamyz Asta­nanyń týǵan kúni saltanatyna aýǵan. Jetisýlyqtar osy mereıge ózindik mazmundy mádenı shara uıymdastyryp, onyń kókjıegin keńeıtýdi maqsat etkeni birden kózge túsedi. Qala sán-saltanatymen kóz tartyp, aıshyqty, maǵynasy tereń kórnekiliktermen bezendirilse, jastar jaǵy tyń oılarymen tańqaldyryp otyr. “Jas Otan” jastar qanaty men “Jetisý jastary” ortalyǵy “Elordaǵa tilek” atty respýblıkalyq aksııa sheńberinde “Astanaǵa aq tilek” aýqymymen óńirdegi jastardyń jigerin janyp, biriktirýde. Taldyqorǵan qalasynda “Birligimiz  jarasqan!” uranymen   Astananyń mereıtoıyna izgi tilek bildirgisi kelgenderdiń basy qosyldy. Ár júrekten shyqqan ystyq lebiz óńirdiń kartasy beınelengen maketke marjandaı tógildi. Quttyqtaý, arnaý sózderin jazǵandardyń arasynda alýan mamandyq ıeleri, qarııa men ana, ár ulttyń ókilin kezdestiresiń. Olar búgingi elimizdegi beı­bit­shi­likti, dostyqty, yntymaqty qol­dap, zamandastaryn otansúıgish­tikke, eljandylyqqa úndedi. Qazirgi kezde mundaı úrdis barlyq jerde uıymdastyrylýda. Maqsat – ár oblys óziniń karta­syn Astanaǵa jiberedi. Osy karta shilde aıynyń basynda Qazaq­stan­nyń tutas kartasy retinde  quras­tyrylady. Astana kúni oǵan qyzyǵýshylyq bildirgen elorda­lyq­tar men qonaqtar tama­sha­laıdy, degen oblystyq “Jetisý jastary” ortalyǵynyń músheleri ár nıetke asqan iltıpatpen qarady. – Men Taldyqorǵanǵa qonaq­qa keldim. Shaharlyqtardyń bas­tamasyna ún qosyp, óz tilegimdi jazdym. Ásem Astanamyz jaı­na­syn. Búgingi aq tilek saǵan arna­lady, elorda. Al, osy el júreginiń jaınap, jasarǵanyna bastaýshy bolǵan Elbasymyz aman, zaman tynysh bolsyn. Men áli mektepte oqımyn. Bitirgende Astanadaǵy jańa oqý ordasyna túsemin, – deıdi Jibek Abaı. Kúmisjan BAIJAN. Almaty oblysy.

_______________________

EL QÝATYN ESELEIMIZ Eki kún boıy oblys ortaly­ǵy­nyń ásem de kórki kóz tartar Ertis ózeni jaǵa­laý­yn­daǵy alańǵa júzderi jarqyn alaý jastyq kó­ńilmen jastar legi jı­naldy. Munyń aldynda “Jas Otan” jastar qanaty oblystyq ákim­diktiń qoldaýymen birqatar pat­rıottyq sharalar ót­kizdi. Re­seıdiń “Mo­lo­daıa gvardııa” qoǵam­dyq uıymynyń ókilderi qazaq jastarymen kezdesti. Al qala halqy bolsa, maýsym aıy boıy ótip jatqan mundaı kóńildi kóri­nis­terge tańdana da, qyzyǵa da qarady. Jalpy, elimiz boıynsha ótip jatqan “Birligimiz jarasqan!” atty patrıottar aılyǵy jastar bas qosatyn forýmǵa aınalǵaly beri jaǵalaý mańaıy da tynymsyz. Kóńildi, merekeli, sán-saltanatty. Tek jastar ǵana emes, úlken-kishi de oblys ortalyǵynda bolyp jatqan máni zor, mazmundy shara­lardan qur qalǵylary kelmegen­deı, asyǵa jetkenderi kórinip tur. Qoldaryna “Birligimiz jarasqan”, “Elbasymen birgemiz”, “Densaý­ly­ǵy myqty el myqty” atty jazýlar kótergen jastar legi uzynnan-uzaq sherý tartyp oblys ortalyǵyn­daǵy osy alańnan sap túzep shy­ǵyp, qala kóshelerin aralap ótti. Olardyń arasynda jastar uı­ymdarynyń ókilderi, stýdentter, kolledj, mektep oqýshylary bar. Olar búgin alańǵa ne úshin jınal­ǵandaryn bizge bylaı dep aıtyp berdi: 26 maýsym kúni búkil elimiz boıynsha esirtkige jáne nashaqor­lyqqa qarsy sharalar, túrli oıyn-saýyq baǵdarlamalary aıasynda ótkizilýde. Jalpy, nashaqorlyq jáne esirtkiniń zańsyz aınaly­mymen kúres kúnin álem elderi 1987 jyldan beri atap keledi. Sol úshin de biz qala jastary birlesip atal­ǵan indetke qarsylyq bildirý maq­satynda alańǵa keldik. El múd­desin qorǵaý, salamatty da myqty qoǵam qurý – mindet. Bul indettiń jaıylyp ketpeýin óskin jastarǵa osyndaı sherýler ótkizip uǵyn­dyr­ǵan durys, muny halyq ta, qoǵam da nazarǵa alý kerek. Sondyqtan biz “Birligimiz jarasqan” forýmy aıa­synda “Densaýlyq – jastar qýa­ty” atty baǵdarlama jasap, nasha­qor­­lyqtyń aldyn alý maqsa­tyn­da es­ir­tkige qarsylyqtaryn bildirdi. Qalalyq ishki saıasat basqarma­sy­nyń bastyǵy Roza Shamke­no­vanyń aıtýynsha, oblys ortaly­ǵyn­daǵy mektepterde, kolledj­­der­­de esirtkige, nashaqorlyqqa qarsy túr­li aksııalar, sharalar, densaý­lyq saqtaý uıymdarynyń ókilderi kelip leksııalar ótkizip turady. Jas býyn bundaı indetke jola­maý­lary kerektigin kishkentaı­larynan bilip ósýleri kerek. Osyndaı sharalardyń ótkizilýiniń basty maqsaty – salamatty ómir saltyn qalyptastyrý bolyp taby­lady. Jastardyń ózderi ótkizip jatqan bul qarsylyq aksııasy sabaq. Salamatty ómir saltynyń jarqyn úlgisi. Jeńil atletıkadan jarys uıymdastyryldy, jaǵalaý boıymen júgirgen jastardyń ara­synda úlkender de kezdesedi. Strıtbol oınap shynyqqan jas­tar da júr. Qazir bul oıynǵa qu­mar jastardy oblys ortaly­ǵynyń ár jerinen kórýge bolady. Ja­ǵalaýda qumdaǵy fýtbol, voleı­bol oıyndary da qyzyqty ótti. Al ekinshi bir jastar legi kóshe aralaǵan sherýden soń, jaǵalaýǵa qaıta oraldy. Sol jerde “Men – juldyzbyn” atty baǵdarlamaǵa qatysyp, tiri daýysta ártúrli tilde óleńder oryndady. Alańda ózderin flesh-mob júıesi boıynsha jańa zaman úlgisinde tanytqysy kelgen ártúrli áýender baǵytyndaǵy rok, rep, bıtbokserler, breıkerler, tek­tonık bılerin bıleýshiler kó­beıdi. Árıne, qalalyq ishki saıasat basqarmasy uıymdastyrǵan bul shara jastar úshin sabaq bolarlyq, úırenerlik jaqsy bir mereke bo­lyp ótti. Alǵashqy kúni ótken “Bir­lig­imiz jarasqan” forýmynyń sońy ­– kelesi kúni “Táýelsiz el­diń jastary” atty jastar mere­kesine ulasty. Jaǵalaýdan ushqan túrli-tústi otshashý jarq-jurq etip kókke órledi. Farıda BYQAI. PAVLODAR.

____________________________________

JASTAR JAMAN ÁDETTEN JIRENEDI “Prezıdent komandasy salamatty da tegeýrindi Qazaqstan úshin” aksııasyna úsh myńnan astam jas qatysyp, belsendilik tanytty Memleket basshysynyń jol­daýlarynda salamatty ómir sal­tyn qalyptastyrýmen qatar, jas­tardy jaqsy bastamalarǵa qat­ystyrý máselesi kún tártibine ót­kir qoıylyp, qoldaý kórse­tilgeni belgili. Kórsetilgen senim bıiginen kóriný maqsatynda jas­tar da jaqsy isterdiń ómirge ke­l­ýi­ne muryndyq bolýda. Sonyń bir aıǵaǵy Taldyqorǵan qala­syn­da esirtki derti jáne esirtki bız­nesine qarsy kúres baǵytyndaǵy sherý maqsatyna jetti deýge bolady. “Prezıdent komandasy sa­la­matty da tegeýrindi Qazaqstan úshin!” aksııasyn uıymdastyr­ǵan­dar qoǵamnyń keleshegi – jas urpaq arasynda salamatty ómir sal­tyn nasıhattaý men qalyp­tas­tyrý, túrli sport oıyndaryna baýyr basyp, shynyǵyp ósýi keńinen áńgimelendi. Shahardyń ortalyq alańynda ótken aksııaǵa úsh myńnan astam jastyń qaty­sýy onyń ózegine aınaldy. Densaýlyq saqtaý qyzmetkerleri, úkimettik emes uıym, “Jasyl el” qozǵalysy, etnomádenı birlestik músheleri men jastar bir aýyzdan HHI ǵasyrdyń indeti – esirtki dertine qarsylyq bildirdi. Atalǵan tajal talaı jas ómir­diń tamyryna balta shaýyp, ózek­ti órtep, ortasyn qaıǵy-muń­ǵa salǵany nanymdy beınele­nip, teatrlandyrylǵan kórinis barysynda tııanaǵyn tapty. Jastar birlestikteriniń belsendi ókilderi esirtkini paıdalaný men taratýdyń qoǵamǵa keltiretin zııany jaıly oılaryn ortaǵa saldy. Esirtki derti jáne esirtki bıznesine qarsy uıymdastyrǵan sharada oblystyq narkologııalyq dıspanserdiń, salamatty ómir salty ortalyǵy, qalalyq emhana, ókpe aýrýy dıspanseri dáriger­leri medısınalyq keńester be­rip, jastarmen esh bógetsiz áńgi­me-dúken qurdy. Al, oblystyq “Dos” jastar densaýlyǵy orta­ly­ǵynyń mamandary uıymdas­tyrǵan taqyrypqa baılanysty vıktorına qyzyqty bolyp, jas­tar belsendiligimen jalǵasyp jat­ty. Sonymen qatar, aqparattyq-nasıhattyq turǵydaǵy taratylǵan býkletter de mazmundylyǵymen aıqyndaldy. Qazaqstannyń bolashaǵy – jastar. Demek, olardyń kózqa­rasy berik, eljandylyq qasıeti basym, belsendi bolýy shart deýge bolady. Otbasy, oshaq qasynan be­rilgen tálimdi tárbıe osylaı je­tildirilse, onda urpaǵymyz bú­gin­gi kúnniń talabyna adal bo­latyny daýsyz. Árıne, bul jó­ninde óńirde kóptegen jumystar qolǵa alynǵan. Nátıjesinde, jyl basynan beri osy taqyrypqa baılanysty 190 shara ótkizilse, “Jastar esirtkige qarsy” densaý­lyq aılyǵy, “Biz salamatty ómir saltyn qoldaımyz”, “Shylymsyz ǵumyr” aksııasy, “Biz Qazaqstan­nyń bolashaǵy úshin ter tógemiz”, “Elbasynyń saıasatyn qoldap, óz úlesimizdi qosamyz” degen taqy­ryptardaǵy sherýler men kezde­sýlerdiń tárbıelik máni tereń ekeni túsinikti. Atalǵan sharalar­dy oblystyq ishki saıasat basqar­masy men “Nur Otan” halyqtyq-demokratııalyq partııasy oblys­tyq fılıaly, azamattyq qoǵam ınstıtýtynyń ókilderi qatysyp, onyń mán-mańyzyn tereńdetti. О́ńir jastary árdaıym Elba­synyń Joldaýyn halyq arasynda nasıhattaýǵa óz úlesterin qosyp ke­ledi. Osy oraıda jastardan qu­ral­ǵan aqparattyq-nasıhattyq brı­gada oblystyń jeti óńirinde óz ju­mys­taryn júrgizip, tyn­dyrym­dylyq­tarymen tanyldy. Jasy­ratyny joq, esirtkige qarsy kúres búginde barshany alańdatýda. Sol úshin on­yń jolyn kesý baǵytynda baǵ­dar­ly jumys osylaı óristese, qane. Bolashaq baǵdarly bolsa, ómir de kórikti. Osy maqsatty kózdegen aksııa alǵa qoıǵan maqsatyna jetti deýge negiz bar. Kúmisjan BAIJAN. TALDYQORǴAN.