«Búgingi basty problema – joǵary ınflıasııa. Ol ekonomıkalyq kórsetkishterdiń ósimin de, halyqtyń tabysyn da «jep» jatyr. Bul máselege daıyn sheshim joq. Kóptegen memleketter osyndaı qıyndyqqa tap bolyp otyr, biraq bizdiń jaǵdaıda ol aıryqsha ótkir sıpatqa ıe boldy. Biz makroekonomıkalyq «sheńberden» shyǵýymyz qajet. Ol úshin burynnan qordalanǵan qıyndyqtardy eńserip, ozyq tájirıbeni eskerip, qajet bolsa, halyq arasynda tanymal emes sheshimder qabyldaýǵa daıyn bolýymyz kerek», dedi Prezıdent.
Memleket basshysy Úkimet pen Ulttyq bankke bul máselemen birlesip aınalysýdy tapsyrdy.
«Úkimet pen Ulttyq bank jaǵdaıdyń kúrdeliligin eskere otyryp, bir komanda retinde jumys isteýi tıis. Bul – búkil el úshin mańyzdy mindet. Qazir arqan tartatyn ýaqyt emes», dep atap ótti Qasym-Jomart Toqaev.
