Foto: Úkimettiń baspasóz qyzmeti
Memlekettiń ekonomıkadaǵy úlesin azaıtý kóp jyldan beri ózekti mindet bolyp keledi.
«Elimizde memlekettiń úlesi bar uıymdar sany 25 myńǵa jýyqtaıdy. Kópshiliginiń qyzmeti men qurylymy syn kótermeıdi, qısynǵa da kelmeıdi. Qazir kommersııalyq emes mindetterdi oryndaý úshin kommersııalyq ádis-tásilder keńinen qoldanylyp júr. Sonyń saldarynan túrli shyǵyndar artyp, korporatıvti organdar kóbeıip ketti. Naqty nátıjege nazar aýdarylmaıdy», dedi Memleket basshysy.
Qasym-Jomart Toqaev strategııalyq josparlaý jáne reformalar agenttigine Úkimetpen birlesip, memlekettik sektordy reformalaý týraly naqty usynystar ázirleýdi tapsyrdy. Qajet bolǵan jaǵdaıda arnaıy Jarlyq shyǵaratynyn atap ótti.
«Budan bólek, Úkimet Memlekettik múlik týraly zańdy jańartýǵa tıis. Zańda memlekettiń ekonomıkaǵa qatysý shegi naqty aıqyndalýy kerek. Sondaı-aq basqarý isine qatysty quqyqtyq talaptar kórsetilýi qajet», dedi Toqaev.
