Foto: ashyq derekkóz
«Bizdiń naryqtaǵy jaǵdaı – uıatty jaǵdaı. Úkimet ádil eýrazııalyq saýdany qamtamasyz etýge tıis. Bizdiń kásipkerler EAEO aıasyndaǵy ózge elderdiń kásipkerlerindeı preferensııalar men qoldaýlarǵa ıe bolmaı otyr. Sonyń saldarynan óz naryǵymyzdy ózimizden tartyp alýǵa májbúrmiz», dedi Prezıdent.
Qasym-Jomart Toqaevtyń aıtýynsha, otandyq kásipkerler qazir teńsiz jaǵdaıda jumys istep otyr. Bul óz kezeginde ishki naryqtaǵy otandyq ónim óndirýshilerdiń múmkindikterin shektep, básekege qabilettiligin tómendetedi.
Memleket basshysy ımporttan tolyqtaı bas tartý múmkin emes ekenin, sonymen qatar oǵan qajettilik te joǵyn atap ótti. Degenmen, basty mindet – ishki naryqty qorǵaý, otandyq ónim óndirýshilerdiń úlesin arttyrý jáne olardyń múddesin halyqaralyq deńgeıde tıimdi qorǵaý.
Prezıdent úkimetke ádil saýda tetikterin qalyptastyrý, kásipkerler úshin teń jaǵdaı jasaý jáne qazaqstandyq taýar óndirýshilerdi qoldaýǵa baǵyttalǵan naqty sheshimder ázirleýdi tapsyrdy.
