Búginde Eńbek jáne halyqty áleýmettik qorǵaý mınıstrliginiń quzyryndaǵy 49 memlekettik qyzmettiń 45-i elektrondyq túrde qoljetimdi. 28 qyzmet boıynsha proaktıvti format engizilgen. Jyl basynan tamyz aıyna deıin kórsetilgen 4,2 mln qyzmettiń 2,8 mıllıony elektrondyq formatta bolsa, 1,2 mıllıony proaktıvti túrde berilgen. Osy jyldyń birinshi jartyjyldyǵynda 2 jańa qyzmet avtomattandyryldy. Birinshisi – eresek, áreketi shekteýli azamattarǵa qadaǵalaý nemese qamqorshylyq ornatýǵa qatysty. Ekinshisi – osy azamattardyń múlkin jáne tólemderin basqarýǵa ruqsat berý. Sondaı-aq qazir «eGov mobile» qosymshasynda «Qamqorshylyq ornatý týraly málimet» jańa sıfrlyq qujaty paıda boldy. Jalpy, bul qosymsha arqyly áleýmettik-eńbek salacyndaǵy 35 qyzmet pen 8 sıfrlyq qujat qoljetimdi. Budan bólek, anyqtamalyq aqparat berý qyzmetteriniń basym bóligi memlekettik qyzmetter tiziliminen shyǵarylyp, paıdalanýshy suranysyna qaraı «eGov, «eGov-mobile», ekinshi deńgeıli bankterdiń qosymshalary syndy túrli platformalar arqyly der kezinde usynylyp jatyr. Eńbek jáne halyqty áleýmettik qorǵaý vıse-mınıstri Oljas Anafın áleýmettik-eńbek salasyndaǵy memlekettik qyzmetterdi transformasııalaý, sıfrlandyrý jumysy týraly jan-jaqty aıtyp berdi.
«Eńbekke ornalastyrý úderisin ashyq ári yńǵaıly etý maqsatynda eńbek mıgranttary men kámeletke tolmaǵan azamattarmen elektrondyq eńbek sharttaryn, elektrondyq ujymdyq sharttardy jasaqtaý múmkindikteri engizildi. «HR Enbek» portalynda qyzmetkerdiń jeke kabınetinde eńbekke jaramsyzdyq paraqshalary, kásipodaqtarǵa arnalǵan avtomattandyrylǵan jumys orny fýnksıonaldy, shtattyq kestelerdi elektrondyq túrde júrgizý, sondaı-aq tótenshe jaǵdaı týraly habarlaý múmkindikteri qosyldy», degen O.Anafın jasandy ıntellekt negizinde engizilgen, engizý josparlanǵan quraldar jaıynda baıandady.
Memleket basshysy, Úkimet jasandy ıntellektiniń keleshegine erekshe nazar aýdaryp otyr. Birinshi jartyjyldyqta Eńbek jáne halyqty áleýmettik qorǵaý mınıstrligi eki jasandy ıntellekt modelin engizse, jyl sońyna deıin osyndaı taǵy birneshe júıe iske qosylady degen boljam bar.
– Birinshi kezekte JI úlgisi ıntellektýaldy chat-botta qoldanylady. Chat-bot «Enbek» sıfrlyq ekojúıesinde operatorlar júktemesin azaıtý, qyzmet sapasyn arttyrý maqsatynda engizildi. JI arqasynda paıdalanýshylar onlaın rejimde táýlik boıy jıi qoıylatyn suraqtarǵa jaýap, keńes ala alady. Eger bot sáıkes jaýap taba almasa, ótinish operatorǵa jiberiledi. Qazir shamamen 96 % ótinishter avtomatty túrde, ıaǵnı qyzmetkerdiń kómeginsiz óńdelgen. Kún saıyn chat-bot arqyly 600-ge jýyq ótinish óńdeledi,– dedi vıse-mınıstr JI múmkindigi mol ekenin alǵa tartyp.
Jyl basynan tamyz aıyna deıin JI kómegimen 18,7 myńnan astam ótinish qaralǵan. «Enbek.kz» qosymshasynda JI tehnologııasy bos jumys oryndaryn irikteıdi. Rezıýmeni óńdeýge orta eseppen 2 sekýndtan az ýaqyt ketedi. Artynsha servıs usynystar bere bastaıdy. Bul bos jumys oryndardy tańdaý ýaqytyn 80 %-ǵa qysqartýǵa múmkindik berdi. Endi mınıstrlik JI múmkindikterin múgedektik dárejesin anyqtaýda tıimdilikti arttyrý úshin engizýdi kózdep otyr. Munda JI medısınalyq qorytyndylardy, saýalnamalardy, aýrý tarıhtaryn jáne basqa málimetterdi paıdalana otyryp, múgedektik dárejesi men sanatyn avtomatty túrde anyqtaıdy.
Jasandy ıntellektini paıdalaný arqyly qyzmetkerdiń júktemesi azaıady, mekemelerdiń áleýeti artady, kóp ýaqyt alatyn jumysqa burynǵydaı adam jıi aralaspaıdy. Nátıjesinde, rásimderdiń obektıvtiligi men ashyqtyǵy qamtamasyz etiledi. Bul halyqtyń áleýmettik qorǵaý júıesine senimin nyǵaıtady. Keleshekte JI ataýly áleýmettik kómek taǵaıyndaý kezinde azamattardyń jalpy aktıvterin baǵalaý úderisin avtomattandyrýǵa qoldanylatyn bolady. Eńbek jáne halyqty áleýmettik qorǵaý mınıstrligi osy jumystarmen shektelmeı, biryńǵaı sıfrlyq platforma, derekterdi taldaýdyń ıntellektýaldy modelderi sııaqty JI-di qajet etetin sıfrlyq quraldardy odan ári damytýdy josparlap otyr. О́ıtkeni bul qadam jumys úderisterin avtomattandyryp, qyzmet kórsetýdiń ashyqtyǵy men jyldamdyǵyna áser etýmen shektelmeıdi. Qyzmetkerlerdiń júktemesin azaıtyp, qarjy únemdeýge, áleýmettik-eńbek salasynyń turaqty damýyn qamtamasyz etýge múmkindik beredi.
