Kún shyǵys elinde jalaýy jelbireıtin jarysta Qazaqstannyń bes jeńil atleti óner kórsetedi. Olar – Nora Djerýto (3000 metrge kedergiler arqyly júgirý), Deızı Djempkemeı (3000 metrge kedergiler arqyly júgirý, 10 000 metrge júgirý), Iаsmına Toqsanbaeva (sporttyq júris, 20 shaqyrym), Galına Iаkýsheva (sporttyq júris, 35 shaqyrym) jáne Polına Repına (sporttyq júris, 35 shaqyrym). Mine, osy bes sportshymyzdyń eń bolmaǵanda bireýi Tokıoda jeńis tuǵyryna kóterilse, sonyń ózi bizder úshin úlken olja bolmaq.
Sońǵy álemdik doda 2023 jyly Majarstannyń astanasy – Býdapeshte ótken edi. Atalǵan jarystyń jalpy komandalyq esebinde AQSh quramasy jeke-dara kósh bastady. Amerıkalyqtar 29 (12 altyn+8 kúmis+9 qola) júlde oljalady. Ekinshi jáne úshinshi oryndarda Kanada (4+2+0) men Ispanııa (4+1+0). Sonymen qatar, TOP-10-dyqtyń qataryna Iаmaıka (3+5+4), Kenııa (3+3+4), Efıopııa (2+4+3), Ulybrıtanııa (2+3+5), Nıderland (2+1+2), Norvegııa (2+1+1) jáne Shvesııanyń (2+1+0) sportshylary qosyldy. О́kinishke qaraı, ol dodadan Qazaqstan quramasynyń qorjyny bos qaıtty.
