Sheteldiń úzdik mamandary Qazaqstanǵa keledi

Elimizde alǵash ret «Digital Nomad Residency» mártebesi rásimdeldi. Onyń alǵashqy ıegeri – halyqaralyq tájirıbesi bar «Senior Analytics» & «BI Engineer» Pavel Fılatov. Ol Qazaqstandy ómir súrýge qolaıly ári kásibı qyzmetin jalǵastyrýǵa yńǵaıly el retinde tańdaǵanyn aıtady.

«Digital Nomad Residency» maǵan jaıly ómir súrý múm­kindigin qarqyndy damyp jatqan tehnologııalyq ekojúıemen ushtastyrýǵa jol ashty. Rásim­niń zamanaýı ári yńǵaıly júr­giziletinin erekshe atap ótkim keledi. Bul baǵdarlama IT-maman­darǵa jańa múmkindikterge jol ashady. Qazaqstan kásibı turǵyda damý men halyqaralyq áriptestik úshin zor áleýetke ıe. Alǵashqy rezıdent ataný men úshin úlken mártebe»,  dedi Pavel Fılatov.

Bul bastama bıyl qańtarda Memleket basshysy Qasym-Jomart Toqaevtyń tapsyrmasymen iske qosylǵan. Qys­qa ýaqyttyń ishinde atalǵan baǵdarlama sıfrlyq tehnologııalar men jasandy ıntel­lekt salasyndaǵy álemdik deńgeı­degi úzdik mamandardy tartý­dyń mańyzdy quralyna aınalyp úlgerdi. Al «Astana Hub» halyqaralyq ınnovasııalyq klasteri osy úderistiń negizgi platformasyna aınaldy.

Joba boıynsha elimizde turýǵa yqtııarhat alýǵa ótinish berý onlaın formatta bastalady. Odan keıin «Astana Hub» mamandary úmitkerlerdi ár kezeńde súıemeldep, zańnamaǵa sáıkes rásimder tolyq aıaqtalǵanǵa deıin keńes beredi. Búginde AQSh, Kanada, Fransııa, Túrkııa jáne TMD elderin qosa alǵanda, 20 memleketten 270-ten astam ótinim kelip túsken. Kandıdattardyń basym bóligi – baǵdarlamalaý, kıberqaýipsizdik, UI/UX-dızaın jáne DevOps mamandary.

Buǵan deıin «Digital Nomad Visa» aıasynda alǵashqy qatysý­shylar – Aljır men Botsvana­dan kelgen IT-mamandar qonystanyp úlgergen edi. «Digital Nomad Visa» tabysty rastaýdy talap etpeıdi, elge kirýdi jeńil­detedi jáne sheteldik te, otan­dyq ta kompanııalarmen ju­mys isteýge múmkindik beredi. Vıza ıe­gerleri keıinnen «Digital Nomad Residency» alýǵa ótinish bere alady. Al uzaqmerzimdi már­tebeniń rásimdelýi elimizge degen qyzy­ǵýshy­lyqtyń artyp kele jatqanyn jáne eldiń aımaqtyq sıfr­lyq hab re­tindegi áleýetin aı­qyn kórsetedi.

Baǵdar­lamanyń tár­tibi qandaı?

«Digital No­mad Resi­dency» IT-ma­mandarǵa elimizde tu­raq­ty tu­rýǵa yq­­­­­tııar­hat alý­dy jeńil­detil­gen tár­­tippen usy­­nady. Ol úshin úmit­kerler «Astana Hub» portaly arqyly ótinish beredi. Qu­jattar tizimine: sheteldik pas­porttyń kóshirmesi, túıindeme, portfolıo, motıva­sııa­lyq hat, sottalmaǵany jó­nindegi anyq­tama jáne 3,5h4,5 kólemindegi fotosýret kiredi. Kandıdatqa Qazaqstannyń Sıfrlyq damý, ınnovasııalar jáne aeroǵa­rysh ónerkásibi mınıstrligi­nen onyń mamandyǵy suranysqa ıe ekenin rastaıtyn resmı qu­jat beriledi. Odan keıin IT-maman «eGov.kz» portaly arqyly «Sheteldik IT-mamandarǵa Qazaqstanda turaqty turýǵa ruqsat berý» qyzmetine ótinish jiberedi. Júıede qadam-qadam boıynsha anketany toltyryp, qujattardy tirkep elektrondy qol qoıady. О́tinish 45 kún ishinde qaralady. Oń sheshim qabyldanǵan jaǵdaıda maman Qazaqstanǵa kelip, halyqqa qyzmet kórsetý ortalyǵynda rásim­di aıaqtaıdy.