Foto: Densaýlyq saqtaý mınıstrligi
QR Densaýlyq saqtaý mınıstri Aqmaral Álnazarova delegasııa jetekshisi doktor Alırez Hadımmen kezdesý barysynda ulttyq júıeni jetildirý baǵyttaryn talqylady. Baǵalaý tirkeý, farmakoqadaǵalaý, ınspeksııalaý, lısenzııalaý, zerthanalyq jáne klınıkalyq zertteýlerdi qadaǵalaý sııaqty negizgi salalardy qamtıdy.
Apta boıy ótetin aýdıt nátıjesinde ulttyq retteý júıesin nyǵaıtýǵa arnalǵan jańa jol kartasy ázirlenbek. Mınıstrdiń aıtýynsha, zańnamalar jańartylyp, zamanaýı sıfrlyq sheshimder engizilip jatyr, sondaı-aq halyqaralyq standarttarǵa sáıkestikke erekshe nazar aýdarylǵan.
DDSU sarapshylary Qazaqstannyń aımaqtaǵy bedeldi orny men retteý prosesterindegi jetistikterin atap ótti. Olardyń pikirinshe, elimiz zerthanalyq ınfraqurylym men baqylaý júıesinde joǵary kemeldik deńgeıine jaqyndap keledi.
