Elimizdiń týrıstik áleýetin keńinen tanytýǵa baǵyttalǵan halyqaralyq baıqaýǵa Qazaqstan, Qyrǵyzstan, Qytaı, Italııa, Malaızııa jáne Serbııa memleketteriniń ónerpazdary qatysyp jatyr. Túsirilim jumystary Qoja Ahmet Iаsaýı kesenesi ornalasqan «Áziret Sultan» memlekettik tarıhı-mádenı qoryq-mýzeıinde, kóne Otyrar qalashyǵynda, Karavansaray týrıstik kesheninde jáne etnoaýylda ótedi. Baıqaýǵa qatysýshylardyń ónerin arnaıy shaqyrylǵan halyqaralyq sarapshylar qazylyq etedi. Túrkistandaǵy túsirilim aıaqtalǵannan keıin jobanyń shyǵarmashylyq sapary elimizdiń basqa óńirlerinde jalǵasady, ıaǵnı Mańǵystaý, Almaty jáne Aqmola oblystarynda, sondaı-aq Almaty men Astana qalalarynda ótedi.
Aqtyq kezeńi elordada uıymdastyrylatyn jobaǵa Týrızm jáne sport mınıstrligi, Mádenıet jáne aqparat mınıstrligi, Kazakh Tourism ulttyq kompanııasy jáne jergilikti atqarýshy organdar qoldaý kórsetip otyr.
