Qazaqstannyń Bas kólik prokýratýrasynyń málimetinshe, Almaty avıasııalyq kólik prokýrory Aqtaý qalasynyń prokýroryna qatysty usaq buzaqylyq deregi boıynsha isti toqtatý týraly Aqtaýdyń mamandandyrylǵan sotynyń sheshimine apellıasııalyq shaǵym túsirgen.
«Sot aktisiniń zańdylyǵy men apellıasııalyq ýájder Mańǵystaý oblystyq sotynda zańda belgilengen tártippen qaralady. Quqyq qorǵaý qyzmeti týraly zańnyń 38-baby 1-bóliginiń 2-tarmaǵyna sáıkes, Abdırov Erbolattyń jaýapkershiligine qatysty túpkilikti sheshim shyqqanǵa deıin ol atqaryp otyrǵan qyzmetinen ýaqytsha shettetildi», — delingen prokýratýranyń habarlamasynda.
