Qalanyń bas josparyn sıngapýrlyq «Surbana Jurong» kompanııasy ázirlegen. Úkimettiń málimetinshe, jobaǵa qazirdiń ózinde Azııa men Eýropanyń strategııalyq ınvestorlary jáne tehnologııalyq kompanııalary qyzyǵýshylyq tanytyp otyr. Jańa qala tórt iri aýdannan turady: «Gate City» – iskerlik jáne qarjylyq ortalyq, «Golden District» – bilim berý jáne medısınalyq hab, «Growing District» – ınnovasııalyq-ónerkásiptik jáne saýda-logıstıkalyq aımaq, «Green District» – týrıstik klaster. Damý jobasyna sáıkes, 2050 jylǵa qaraı Alataý qalasynyń halqy 2 mıllıon 40 myń adamǵa jetýge tıis.
