Kásipkerler quqyn qorǵaý – aıryqsha nazarda

Alqaly jıynǵa Shym­kent qalasy ákiminiń birinshi orynbasary Aıdyn Kárimov, Shymkent qalasynyń prokýrory Ǵabıt Muqanov, qalalyq máslıhattyń tóraǵasy Bahadyr Narymbetov, Kásipkerler palatasynyń dırektory Sabıra Adambekova, memlekettik organdar, bıznes qaýymdastyǵynyń ókilderi, túrli kompanııa basshylary men jeke kásipkerler qatysty.

Alqa májilisinde aldy­men «Zań jáne tártip» tujyrym­damasy aıasynda atqarylǵan jumystar saralandy. Sony­men qatar Memleket basshysy Qa­sym-Jomart Toqaevtyń tap­syr­masy boıynsha úshinshi mega­po­lıs­tegi bıznesti damytý men ınves­tısııalyq ahýaldy jaq­sar­­tý baǵytynda iske asyrylǵan aýqymdy jumystar baıandaldy.

Qala prokýrory Ǵ.Muqanov zań men tártiptiń qoǵam tynysh­tyǵy úshin ǵana emes, kásipkerlik salasynyń turaqty damýy úshin de qajet ekenin eske saldy.

«Elimizde bıznesti damytýǵa, ınvestorlarǵa qolaıly jaǵdaı jasaýǵa basa nazar aýdarylyp otyr. Sonyń sheńberinde tıisti qoldaýlar da kórsetilip keledi. Jalpy, turaqty bıznes ahýal senimdilik arqyly ornyǵady. Osyǵan oraı prokýratýra organdary kásipkerdiń quqyǵyn, zańdy múddesin qorǵaý jolyn­daǵy tabandy jumystaryn jal­ǵas­tyra beredi. Zań ústem­digin ornatýdyń basty maq­saty – kásip­kerlik salasyna, jalpy qoǵam­ǵa paıda ákelý. Sol tur­ǵyda ýáki­letti organ­nyń negizgi mindeti – árbir ınves­tısııalyq jobanyń zańdy, ashyq ári ádil júzege asýy­na jaǵdaı jasaý», dedi ol.

Jıyn barysynda arnaý­ly jáne joǵary oqý ornyn biti­rýshi túlekterdi ju­mys­pen qamtý máselesi de qozǵal­dy. Mem­le­kettik kirister depar­tamen­ti­niń ókilderi jańa Salyq kodek­siniń normalaryn jınalǵan kópshilikke túsindirip berdi. Kásipkerler men kompanııa basshylary ındýstrııalyq, ar­­naıy ekonomıkalyq aımaqtarda ­jú­zege asyp jatqan jobalar týraly ­baıandap, óz ónimderin tanystyryp ótti.

Shymkent qalalyq kásipker­­­ler palatasynyń dırektory ­Sabıra Adambekovanyń aıtýynsha, kásip­ker quqyǵyn qor­ǵaý uıymy men jergilikti atqa­rýshy bıliktiń kóz­degen or­taq maqsaty bireý ǵana, ol – eli­miz­di ın­vestısııa­lyq tar­tym­dy mem­leketke aınal­dyrý. Osy oraıda «Atameken» ult­tyq ká­sip­ker­ler palatasy ­ın­te­raktıvti ınvestısııalyq karta jasap shy­ǵardy. Kartanyń kómegimen ár ın­vestısııalyq jobanyń kezeń-kezeńimen, qalaı júzege asyp jat­qanyn baqylaýǵa bolady. Mem­lekettiń túrli deńgeıdegi quzyretti organdary qajet bol­ǵan jaǵdaıda kartamen tanysyp shyǵyp, qandaı problema baryn, olardyń sheshý joldaryn anyq­taı alady. Bul rette S.Adambe­kova ınvestorlardy Investııa­lyq k­ar­ta­ǵa qosylýǵa shaqyrdy. Sony­­men qatar, palata dırektory mem­leket pen kásipkerlik sek­tor­­dyń ózara áriptestigi oń nátı­je­ ­bere bastaǵanyn atap ótti. Máse­len, «Iskerlik klımat» reıtıngisi aıasynda júr­gizil­gen toqsan saıynǵy ­saýalnama ná­tıjesi ınvestısııalyq tartym­dylyq jóninde ózge megapo­lıs­termen salystyrǵanda Shymkent­te aıtarlyqtaı serpilis baryn kórsetti. Bul birinshi kezek­te jergilikti atqarýshy organ­dar­dyń ınvestısııa salasyna kór­setken qoldaýlarynyń arqasy. Eń bastysy, qalalyq ákimdik tarapynan kásipkerlik salasyn qoldaý jyl ótken saıyn artyp keledi.

Jıyn sońynda Shymkent qalasynyń prokýrory Ǵ.Muqa­nov bıznestiń quqyqtaryn qorǵaý isine qosqan úlesi úshin kásipkerler palatasynyń dırektory S.Adambekova men bólim basshysy Ázilhan Járimbetovti, birqatar kásipkerdi Alǵys hattarmen marapattady.

Osy oraıda óńirlik kásip­kerler palatasynyń basshysy S.Adambekovadan Prezıdent Qasym-Jomart Toqaevtyń ­Qa­zaqstan halqyna arnaǵan bıyl­­ǵy Joldaýyna baılanysty, on­daǵy aıtylǵan kásipkerlik sala­syn qoldaý jónindegi máselelerge pikir bildirýin ótingen edik.

«Búgingi tańda barlyq qu­zyr­ly organdar, onyń ishinde «Atame­ken» ulttyq kásipkerler palata­sy elimizdi damyǵan memleketke aınaldyrý jolynda talmaı eńbek etip keledi», dedi ol. – Keıingi jyldary el ekonomıkasynyń tu­raqty damýy men jańa jumys oryndarynyń ashylýyna erekshe kóńil bóline bastady. Bıznesti qoldaý baǵytyndaǵy júzge jýyq kómek túrlerin tizip shyǵýǵa bolady. Olardyń ishinde qarjylaı, qarjylaı emes qoldaý kórsetý sharalary, granttar, ekinshi deńgeıli bank nesıeleriniń paıyzdyq mólsherlemesin sýbsıdııalaý, kepildik qoldaý, oqytý syndy kóptegen járdem túri bar.

О́z kezeginde kásipkerler palatasy tarapynan iskerlik bastamalary bar azamattarǵa keńes berý, quqyqtyq kómek kórsetý, servıstik qoldaý, mem­lekettik or­gandarmen birge kásipkerlerdi oqytý, biliktilikti arttyrý sııaqty qyzmetter usy­nylady. Sony­men qatar Pala­ta janynan túrli saladaǵy kásipkerlerdiń sala­lyq keńes­teri qurylǵan. Onda sol ­salada týyndaǵan problemalar sarap­shylardyń qatysýy­men talqy­lanyp, taraptar onyń sheshimin tabýǵa tyrysady. Qa­jet bolǵan jaǵdaıda kásipker­ler máselesi ortalyq memleket­tik organdarǵa jetkiziledi.

Bul tusta jergilikti atqarý­shy bılikpen, prokýratýra, eko­nomıkalyq tergep-tekserý sekildi quzyrly organdarmen bir­les­ken jumystar júıege qoıyl­ǵan. Investısııa máselesine Memle­ket basshysy bıylǵy Joldaýyn­da da aıryqsha nazar aýdar­dy. Prezıdent kásipkerliktiń el ekonomıkasynyń qozǵaýshy kúshi ekenin atap ótti. Zańna­ma­ny kúrdelendirýmen emes, ony kásipkerlerdiń qajetine qaraı beıimdep, iskerlik saladaǵy zań­namaǵa tereń tekserý júrgizýdi tapsyrdy. Demek Prezıdent málimdegen bastamalar tolyq iske assa, keleshekte ol bıznesti qorǵaýdyń taǵy bir mańyzdy quraly bolary sózsiz. Jalpy, palatanyń da memlekettik atqa­rýshy organdardyń da ustan­ǵan joly bireý. Ol – kásipker memle­ket qoldaýyn sezinetin, quqyqtary­nyń qorǵalatynyna senimdi bola­tyn ádil, ashyq ári qaýipsiz bız­nes-orta qa­lyptastyrý. Sondyq­tan kásipker­ler palatasy Joldaý­da aıtylǵan ınvestısııaǵa qatys­ty barlyq tapsyrmany oryn­daýǵa qa­shanda daıyn.