“Siz BIZDI QAIDA ÁKELDIŃIZ?”

Bul 1999 jylǵy tamyz aıynyń orta shenindegi kórinis edi... Sol jyldyń aqpanynda elimizdiń bas basylymy – “Egemen Qazaqstan” gazeti Astana qalasyna qonys aý­dar­dy. Gazet ujymyn Memleket­tik syılyqtyń laýreaty, Qazaq­stan jýr­nalıstıkasynyń ardageri, jazý­shy Sheraǵań – Sherhan Mur­taza bastap kelgen bolatyn. Kelgen kúni basylymnyń sol kezdegi birin­shi basshysy Erjuman Smaıyl bar­lyǵymyzǵa bir-bir páterdiń kiltin saltanatty jaǵdaıda tabys etti. Balalarymyz Almatyda mektep­te, zaıybymyz jumysta bolǵan­dyqtan, olardy elordaǵa ózimizben birge birden alyp kelýge múmkin­shilik bolmady. Al bizdiń otbasyǵa sonyń sáti 1999 jyldyń 15 tamy­zynda tústi. Ulym – Bekjan, qyz­darym – Jadyra men Ǵalııabaný ózderi dúnıege kelgen ásem Al­ma­ty­ny, synyptas dostaryn qııa al­maı, eki-úsh kún “Astanaǵa barmaı­myz”, dep kónbedi. Áıteýir, kón­dirdik-aý. ...Biz mingen Almaty – Astana jolaýshylar poıyzy Astana temir jol vokzalyna jaqyndap keledi. Ol kezde Aqmola oblysyn qara shegirtke basyp jatqan shaq edi. Poıyz vagondary terezeleriniń syrtyna soǵylǵan shegirtkelerdiń ólimtigi syrtqy dúnıeni kórset­peıdi, terezelerdi tegis tumshalap alǵan. Balalarǵa kóz qıyǵymmen qarap qoıamyn, olar terezege jaby­syp, syrtqa tesile qaraıdy da, “Sumdyq, sumdyq”, dep bastaryn qaıta-qaıta shaıqaıdy. Poıyz vokzaldyń birinshi joly­na da kelip toqtady. Júgimizdi súırete kóterip, japa-tarmaǵaı jer­­ge túsip jatyrmyz. “Qyzyq” osy kezde bastaldy. Perron ústin qalyń qara shegirtke basqan. Jan­shyl­ǵan, taptalǵan, sekirgen she­girt­kelerden aıaq basar jer joq, kúlimsi ıis múńkip tur. Qyzdarym se­kirgen shegirtkelerden shoshyp, bizdiń qoltyǵymyzǵa qaıta-qaıta tyǵylady. Sonda Ǵalııabaný: “Siz, bizdi qaıda ákeldińiz?” – dep jylarman kúıge túskeni bar edi. Sodan beri on bir jylǵa jýyq ýaqyt ótti. Balalar mektep bitirip, joǵary bilim aldy, jańa dostar tapty. Eńseli elordamyz – Astana qa­la­synyń turǵyndary atandy. Elordanyń jyl ótken saıyn jańa­ryp, jasaryp kele jatqanyna kóz­deri anyq jetken soń, olar ásem Al­matyny, asqaq Alataýdy ańsaýdy qoıdy. Biz sol kórinisti, Ǵalııabanýdyń aıtqan sol sózderin aýyq-aýyq eske alyp, bir kúlisip alamyz. Qalanyń sol jyldardaǵy keskinin elor­da­nyń qazirgi kelbetimen salystyra­myz. Adam tanymastaı ózgergen, múlde jańarǵan, barlyq jaǵynan órken­degen. Memleket basshysy­nyń tike­leı basshylyq etýimen as­qaq­tap ke­le jatqan Qazaqstan­nyń bas qalasy – Astana osyndaı bolýy kerek. Álısultan QULANBAI. ASTANA.