Pavlodar oblystyq sotynyń ákimshilik ister jónindegi sot alqasy jeke sot oryndaýshylarynyń is-áreketin zańsyz dep taný, óndirip alynǵan aqshalaı qarajatty qaıtarý týraly talap qoıý boıynsha qanaǵattandyrylǵan sot sheshimine túsken apellıasııalyq shaǵym boıynsha isti qarady.
Sot alqasy talap qoıýshy S.-nyń «Otbasy banki» AQ-daǵy shottaryna tyıym salyp, qarajatty esepten shyǵarǵanyn anyqtady. Al álgi qarajat kópbalaly ananyń «Baqytty otbasy» memlekettik jobasy aıasynda jınaqtalǵan jáne bank kepiline salynǵan turǵyn úı qurylys jınaqtary bolǵan.
-Buǵan qosa, jınaq shoty neke kezinde ashylǵany anyqtaldy. Endeshe ol erli-zaıyptylardyń ortaq menshigi bolyp sanalady. Sondyqtan óndirip alý atqarýshylyq is júrgizýge qatysýshy bolyp tabylmaǵan tulǵanyń da quqyqtaryn qozǵady. Sot oryndaýshylary salynǵan somalardyń maqsatyn tekserýge jáne kepil ustaýshy men teń qaryz alýshynyń quqyqtaryn saqtaýǵa mindetti edi, - dep habarlady oblystyq sottan.
Saıyp kelgende sot oryndaýshylarynyń áreketteri «Atqarýshylyq is júrgizý jáne sot oryndaýshylarynyń mártebesi týraly» jáne QR Joǵarǵy Sotynyń normatıvtik qaýlysynyń talaptaryn buzǵan.
Birinshi satydaǵy sottyń qaýlysy ózgerissiz, jaýapkerlerdiń apellıasııalyq shaǵymy qanaǵattandyrýsyz qaldyryldy. Qaýly zańdy kúshine endi.
Sondaı-aq, sot alqasy jeke sot oryndaýshylarynyń tarapynan jiberilgen zań buzýshylyqtar boıynsha Pavlodar oblysy boıynsha jeke sot oryndaýshylarynyń óńirlik palatasynyń basshylyǵyna tıisti sharalar qabyldaý jáne aldaǵy ýaqytta mundaı faktilerge jol bermeý maqsatynda eki jeke uıǵarym shyǵardy.
