Foto: Ashyq derekkóz
«Jobada protezdeý jáne tisterdi ımplantattaý sııaqty stomatologııalyq qyzmetterge birjolǵy zeınetaqy tólemderin paıdalaný jónindegi normany alyp tastaý kózdeledi. Sheshim medısınalyq qujattardy falsıfıkasııalaý jáne zeınetaqy jınaqtaryn maqsatsyz paıdalanýdyń kóptegen jaǵdaılaryna baılanysty», delingen qujat jobasynda.
Mınıstrliktiń habarlaýynsha, stomatologııalyq qyzmetterge aqy tóleýge berilgen ótinishterdi taldaý nátıjeleri boıynsha azamattardyń qarajatynyń bir bóligi alaıaqtyq shemalar arqyly birqatar emhanalardyń paıdasyna alynǵan. Osyǵan baılanysty bıylǵy jyldyń 15 qyrkúıeginen bastap medısınalyq kómektiń osy túrin zeınetaqy qorlary esebinen qarjylandyrýǵa ótinishterdi qabyldaý toqtatyldy.
«Otbasy Bankiniń aqparaty boıynsha, 2021 jyldan bastap 2025 jylǵy 20 tamyzǵa deıingi kezeńde platforma arqyly enpf-otbasy.kz tek «stomatologııalyq qyzmetter» maqsaty boıynsha 757 mlrd teńge somasyna 795 424 tranzaksııa júrgizildi. Taldaý kórsetkendeı, 222 mlrd teńgeden astam qarajat TOP-20 stomatologııalyq klınıkaǵa jiberildi. Negizgi klınıkalardyń bóligi Qazaqstannyń iri qalalarynda ornalasqan. Atalǵan kezeńde Otbasy bankine 29 797 ótinim berildi, onyń 88,3% - y nemese «stomatologııalyq qyzmetter» maqsaty boıynsha 26 312 ótinim berilgen», delingen habarlamada.
