Qaıtarylǵan qarjyǵa – medısınalyq pýnkt

О́ńirdiń Shet aýdany Eńbekshil aýylynda jańa medısınalyq pýnkt jumysyn bastady. Áleý­mettik nysan Memleket basshysy­nyń aýyldyq jerlerdegi ınfraqu­ry­lymdy damytý jónindegi tap­syr­masyn júzege asyrý sheńbe­rinde elge qaıtarylǵan zańsyz ıel­engen aktıvter esebinen salyndy.

Medısınalyq pýnkt 200-den astam turǵynǵa qyzmet kórsetýge arnalǵan ári zamanaýı qural-jab­dyqtarmen jaraqtandyrylǵan. Ǵımaratta dárigerge deıingi qaraý, tekserý men em-sharalar kabınet­teri bar. Shuǵyl jaǵdaılarǵa jedel den qoıý úshin mekemege aýdan­dyq aýrýhananyń reanımobıl kóligi bekitilgen.

Shet aýdanynda ashylǵan medı­sınalyq pýnkt óńirde qaıtarylǵan aktıvter esebinen júzege asyrylyp jatqan jalǵyz medısınalyq joba emes. Jylandy aýylynda da jańa medı­sınalyq pýnkttiń qurylysy júrip jatyr.

Qaraǵandy oblysynda Arnaýly memlekettik qordan bólingen qara­jatqa josparlanǵan 51 medısı­nalyq mekemeniń 24-i salyndy. Onyń 11-i paıdalanýǵa berildi. Qalǵan 27 nysannyń qurylysy jalǵasyp jatyr. Olardy tapsyrý bıyl qyrkúıek aıynyń sońyna josparlanyp otyr.

Jańa medısınalyq nysandardy ashý bo­ıynsha jumystar Prezıdent Qasym-Jomart Toqaevtyń bastamasymen qabyl­dan­ǵan «Aýylda densaýlyq saqtaýdy jańǵyrtý» ulttyq jobasy aıa­synda júrgizilýde. Búgingi tańda 655 jobanyń 540-y júzege asyryldy.