Kóneniń kózi bolatyn bul aǵash tabaqtan sol dáýirde Alashtyń ardaqtysy Álıhan Bókeıhannyń ózi de dám tatqan desedi. Tabaq emen aǵashynan jasalypty. Sodan da bolar, sol qalpy saqtalǵan.
«Qansha degenmen ǵasyrdan astam saqtalǵan aǵash tabaqtyń saqtalýy, óziniń baǵa jetpes qundylyǵy, qasıeti, tańdap alynǵan aǵashynyń myqtylyǵynda shyǵar. Eń bastysy, halyqqa qadirmendi tulǵanyń tutynǵan dúnıesi. Álıhan atamyz Ombyda qyzmette júrip, elge oralǵanynda úsh aǵash tabaqty kádesyı retinde ákelip, anasy Begim hanymǵa, Saqyp jeńgesine jáne úshinshisin qaryndasy Nurbekke tartý etken desedi», – deıdi mýzeıdiń ǵylymı qyzmetkeri Saǵat Erǵalyuly.
Mýzeıge kóne jádigerdi Aqtoǵaı aýylynyń turǵyny Ǵaınysh Jarova tabystapty.
Qaraǵandy oblysy,
Aqtoǵaı aýdany
