SPORT KEShENI AShYLDY

Keshe elordadaǵy №5 mamandandyrylǵan órt sóndirý bóliminiń aýmaǵynda ornalasqan jańa sport kesheniniń saltanatty ashylýy ótti. Oǵan Premer-Mınıstr Kárim Másimov arnaıy kelip qatysty. Aldaǵy Astana kúni merekesine oraılas ashylyp otyrǵan bul sport kesheniniń saltanatynda sóz alǵan Úkimet basshysy barsha elordalyqtardy kele jatqan qala kúni merekesimen jáne búgingi ıgilikke berilip otyrǵan sport keshenimen quttyqtady. Tótenshe jaǵdaılar mınıstrligi jyl saıyn órttik-qutqarý sporty boıynsha jazdyq, qystyq chempı­onattardy ótkizip keledi. Jarys barysynda úzdik sportshylar kózge túsip, olar birqatar sport túrleri boıynsha el namysyn qorǵaıdy. Jańa sport kesheniniń ashylýy Astana qalasy tótenshe jaǵdaılar departamenti úshin ǵana emes, sonymen qatar, jalpy elorda halqy úshin de mańyzdy oqıǵa bolyp tabylady. Saltanatty ashylý rásimi aıa­synda sportshy – órt sóndirý­shilerdiń oqý munarasyndaǵy kórsetilimderi qoıyldy. Sondaı-aq, fýtbol boıynsha týrnırler men kúres (sambo, erkin kúres,) saıys­tary boldy. Keshenniń qurylysy 2009 jyl­dyń basynda bastalyp, onymen Qazaqstannyń óndiristik, áleýmet­tik ınfraqurylymy men turǵyn úı qoryna óz úlesin qosyp kele jat­qan “Aqmolastroı” korporasııasy aınalysqan.       Keshende órt-oqý qalqasymen 100 metrlik jolaǵy (4 jolaq), basseın (25 m), jaýyn­gerlik jáne jattyǵý zaldary, kishi fýtbol, voleıbol, tennıske ar­nal­ǵ­an zaldar, júgirý jolaqtary bar ashyq fýtbol alańy bar. Sonymen qatar, keshen alańynda oqýǵa arnalǵan gaz-tútin kamera­lary ornalastyrylǵan. Qurylys­tyń jalpy aýmaǵy 2,5842 gektar­dy alyp jatsa, ony salý úshin 700 mln. teńgeden astam qarajat bólinipti. Jattyǵý ornynyń bolýy órt sóndirýshi mamandardyń sporttyq sheberligin arttyrý úshin óte ma­ńyzdy bolyp tabylsa, ol halyq­aralyq arenada da Qazaqstannyń namysyn alyp shyǵýǵa septigin tıgizbek. Sondaı-aq, tótenshe jaǵd­aı­lardyń saldaryn joıýǵa qajetti tásilderdi jetildirý úshin de asa kerek keshen degenimiz jón. Ábdirahman QYDYRBEK.