Qaraǵandy garnızonyndaǵy «Spassk» polıgonynda zapastaǵy áskerı mindettilerge arnalǵan oqý-ádistemelik jıyndar uıymdastyryldy. Áskerı mańyzdy jıynǵa artıllerııalyq, motojaýyngerlik, tank, zenıttik, jóndeý, tyldyq bólimder men baılanys salasynyń mamandary – serjanttar shaqyryldy. Sondaı-aq zapastaǵy ofıserler áskerı basqarý baǵyty boıynsha qaıta daıarlyqtan ótip jatyr.
– Oqý-ádistemelik jıyndardyń negizgi maqsaty – mobılızasııalyq daıyndyqty arttyrý jáne áskerı mindetti azamattardyń tájirıbelik daǵdylaryn jetildirý. Olar qarýmen jumys isteý, atys júrgizý daǵdylaryn pysyqtap, qazirgi zamanǵy urys júrgizý taktıkasyn meńgerip jatyr. Ásirese bólimsheler quramyndaǵy ózara árekettestikke, taktıkalyq medısına men ınjenerlik daıyndyq máselelerine erekshe nazar aýdarylyp otyr, – deıdi «Astana» óńirlik qolbasshylyǵy áskerleriniń qolbasshysy polkovnık Mahsýt Gýseınov. Qolbasshy jıyndarǵa 40 jasqa deıingi áskerı mindettiler qatysyp jatqanyn da atap ótti.
Jıynǵa qatysýshylar dala shatyrlarynda turady. Úsh mezgil tamaqpen, áskerı kıim-keshekpen tolyq qamtamasyz etilgen. Sonymen qatar olardyń jumys oryndary men laýazymdary saqtalady, ortasha jalaqysy tólenedi. Al jumyssyz azamattarǵa memleket esebinen eń tómengi jalaqy mólsherinde aqy beriledi.
Astanadan shaqyrylǵan qatardaǵy jaýyngerlerdiń biri Bekbolat Atanov áskerı mindettilerdiń jıynyna alǵash ret qatysyp otyr eken. Atalǵan jıynǵa óz erkimen kelip, jaýapkershilik júgin sezine alǵan ol osyndaı is-sharalardyń berer paıdasy mol ekenin aıtady.
– Ýaqyt bir orynda turmaıdy, jańa tehnıka men áskerı urys-tásilderdiń jańa túrleri engizilip jatyr. Bul sabaqtar bizge buryn alǵan bilimimizdi eske túsirýge, daǵdylarymyzdy jetildirýge jáne jańalaryn meńgerýge múmkindik berip otyr. Ásirese bizben tájirıbesin bólisip jatqan bólimshe komandırleriniń kásibı biliktiligin erekshe atap ótkim keledi, – deıdi B.Atanov.
Ahmethan Kenjebekov «Qazaqstan ǵarysh sapary» ulttyq kompanııasynda» qyzmet etedi. 2018 jyly 40 kúndik áskerı mindetin Kókshetaý qalasynda áskerı tehnıkalyq mektepte ótegen. Áskerı jıynǵa qatysýǵa ózi ynta bildiripti.
– Jıynnyń joǵary deńgeıde uıymdastyrylǵany baıqalyp tur. Áskerı mindet júktelgen adamdar osyndaı jıynǵa qatysa otyryp, ózderiniń biliktiligin kótereri anyq. Alǵash osynda kelgende teorııalyq sabaqtan óttik. Qazir taktıkalyq jattyǵýlardy oryndaýdamyz. Meniń mundaǵy áskerı mindetim – 122-mm gaýbısa D-30 áskerı tehnıkasyn snarıadpen oqtaý. О́z mindetimdi oıdaǵydaı atqarýdamyn. Otbasyn, Otanyn qorǵaý – ár azamattyń moınyndaǵy áýelgi mindet. Áskerı polıgonǵa beıbit kúnderde ǵana jınalaıyq, – deıdi ol.
Áskerı mindettilerdiń bir bóligi T-72 tank ekıpajdarynyń, ıaǵnı tank komandıri, mehanık-júrgizýshi jáne kózdeýshi-
operatory mamandyqtary boıynsha bilimderin shyńdady. Sondaı-aq olar áskerı mindettiler baǵdarlamasynyń jaýyngerlik josparyna saı T-72 tank qarý jaraǵynan vzvodtardyń jaýyngerlik atystaryn oryndady. Is-tájirıbe sabaqtary qaýipsizdik sharalary qatań saqtala otyryp, tıisti deńgeıde júrgizildi.
ZÝ-23-2 zenıttik qondyrǵysy tómen bıiktikti áýe nysanalarymen – áýe shabýylynyń zamanaýı quraldarymen kúres júrgizýge, sonyń ishinde ushaqtarmen, tikushaqtarmen, qanatty zymyrandarmen jáne qashyqtyqtan basqarylatyn, ushatyn apparattarmen urys júrgizýge qolaıly. О́zdiginen júretin zenıttik qondyrǵy ZSÝ-23-4 – zenıttik artıllerııanyń urys mashınasy jalpy kózdeý mehanızmderi men atysty basqarý aspaptary bar bir nemese birneshe avtomatty zeńbirekten turady. О́zdiginen júretin zenıttik qondyrǵy kóbine kishi bıiktiktegi áýe nysanalaryn joıýǵa arnalǵan. Áýe shabýylyna qarsy qorǵanys bólimshesiniń zenıtshi-atqyshtary jattyǵý kezinde dál osy ZÝ-23-2 qondyrǵylarynan shartty qarsylastyń áýe nysanalaryn izdeý jáne ony zaqymdaý, joıý boıynsha jaýyngerlik atys mindetterin josparǵa saı oryndaǵan.
Áskerı tehnıkalar radıolokasııalyq júıe, esepteý quraldary jáne sezgishtigi joǵary aspaptarmen jabdyqtalǵan. Bul qurylymdar men aspaptar 20 shaqyrymǵa deıingi qashyqtyqtaǵy áýe nysanalaryn tabýǵa, zeńbirekterdiń avtomatty kózdeýin oryndap, tórt shaqyrymǵa deıingi bıiktiktegi nysanalar boıynsha aýa raıynyń kez kelgen jaǵdaılarynda, bir ornynda jáne júrip kele jatyp pármendi atysty júrgizýge múmkindik beredi deıdi áskerı sala mamandary.
Oqý-ádistemelik jıyndar qorytyndysynda jaýyngerlik atyspen taktıkalyq sabaqtar ótkiziledi. Bul sabaqtar zapastaǵy ofıserler men serjanttardyń daıyndyq deńgeıin naqtylaýǵa, bólimshelerdiń úılesimdiligin tekserýge múmkindik beredi.
Qysqasy, áskerı oqý-jattyǵý barysynda jıynǵa qatysýǵa nıet bildirgen áskerı mindettemeleri bar azamattar osy tehnıkalardyń syryn uǵyp, bilimin jetildirip, shyńdalyp qaıtty. Sap túzegen sarbazdar úshin bul jıyn – tek áskerı daıyndyq qana emes, Otanǵa degen súıispenshiliktiń zory.
Qaraǵandy oblysy
