Baıqaý megapolıstiń 11 memlekettik kolledji bazasynda ótkizilip, búginde suranysqa ıe baǵyttardy qamtıdy. Atap aıtsaq, olar elektrmontaj jumystary, veb-tehnologııalar, mobılografııa, «aqyldy úı» tehnologııalary, grafıkalyq dızaın, aspazdyq is, meıramhana servısi, naýbaıshylyq sheberlik, sán óneri, shashtaraz isi, avtokólikti jóndeý jáne qyzmet kórsetý.
Almaty uıymdastyrýshy ǵana emes, jastar úshin naǵyz tartylys ortalyǵyna aınaldy. Munda jas talanttardyń áleýetin ashýǵa jáne jańa býyn mamandaryn qalyptastyrýǵa jaǵdaı jasalyp otyr. «JasSkills Kazakhstan – 2025» baıqaýy megapolıstiń bilim berý men kásibı daıarlyq salasyndaǵy ınnovasııalar men kóshbasshylyq bastamalar qalasy retindegi mártebesin aıqyndaı tústi.
«Buryn jastar negizinen ekonomıst pen zańger mamandyqtaryna qyzyǵatyn, al búginde «aspazdyq is», «grafıkalyq dızaın», «mobılografııa» baǵyttaryna suranys artty. Bul bizdi qatty qýantady. Osyndaı baıqaýlar oqýshylarǵa bolashaq mamandyǵyn tezirek tańdaýǵa kómektesedi», – dedi Almaty memlekettik bıznes-kolledjiniń dırektory Aınur Muqajanova.
Chempıonat aıasynda «Meniń bolashaq mamandyǵym» jármeńkesi de ótti. Onda almatylyq mektepterdiń 2200-den astam oqýshysy kolledjdermen, bilim berý baǵdarlamalarymen tanysyp, jetekshi mamandardyń sheberlik dáristerine qatysty.
«JasSkills Kazakhstan – 2025» baıqaýy saıys alańy ǵana emes, Almatyny jastarǵa jańa múmkindikter usynatyn qala retinde damytýǵa, talant, eńbek pen ambısııany qoldap, eldiń damýyna úles qosqan qalaǵa aınaldyrýǵa jasalǵan taǵy bir qadam boldy.
ALMATY
