Aksııa barysynda kósheler men jol boıy, mekemeler mańy, turǵyn úılerdiń aýlalary tazartylyp, nátıjesinde 367 tonna qoqys shyǵaryldy. Sonymen qatar 317 gektar jer tazalanyp, 1500-den astam aǵash kósheti otyrǵyzyldy.
Taldyqorǵan qalasy ákiminiń orynbasary Qýanysh Seıtimbetov tabıǵatty qorǵaý kúndelikti ómir saltyna aınalýy qajettigin atap ótti. Al oblystyq jolaýshylar kóligi jáne avtomobıl joldary basqarmasynyń ókili Nurlan Daldybaev ujymdardyń turaqty túrde mundaı sharalarǵa belsendi qatysatynyn jetkizdi.
Is-sharaǵa Taldyqorǵandaǵy №8 orta mektep ujymy da atsalysyp, oqýshylar men ustazdar mektep aýmaǵyn tazalap, jasyl jelekke kútim jasady. Mektep dırektory Samǵat Dolaev mundaı dástúr oqýshylardyń tártibin nyǵaıtyp, ekologııalyq mádenıetin arttyrýǵa yqpal etetinin aıtty.
Aıta ketsek, 20 qyrkúıekte oblys kóleminde jalpy senbilik ótpek.
