Qazposhta óz bólimshelerin jańǵyrtýda

«Qazposhta» AQ Qazaq­stannyń jeti qalasynda – Aqtóbe, Atyraý, Oral, Qy­zylorda, Taldyqorǵan jáne Tarazda jańǵyrtylǵan qa­la­lyq poshta baılanysy bólim­sheleriniń ashylǵanyn habarlaıdy. О́tken jyly qarasha aıynda Aqtaý qalasynda jańa bólimshe tanystyrylǵan bolatyn. «Bólimshelerdi jańǵyr­ta otyryp, biz tek qyzmetker­lerimizdiń jumys ornyn ǵana jaqsartqan joqpyz, sondaı-aq múmkindigi shekteýli jáne besik arbamen júretin jas analarymyzdyń kirýine yń­ǵaıly bolsyn dep pandýstar ornattyq. Biz qyzmet kórsetý kezinde yńǵaıly jaǵdaılar jasaýǵa tyrystyq jáne jańa jumsaq jıhazdar qoıdyq, mysaly, kreslolar, dıvandar jáne t.b. Endi klıentke kassa terezelerinde turýdyń qajeti joq, óıtkeni, bólimshelerde bir deńgeıli, bógetsiz jáne ornynda otyryp qyzmet kór­setiletin bolady. Taǵy bir aıta ketetin jaı, operasııalyq terezelerdiń kóbeıgeni. Bul, úlken halyq aǵyny kezinde qyzmet kórsetý úshin óz septigin tıgizedi. Atalǵan ózgerister, transformasııa baǵdarlamasy quramynda jáne onyń birinshi qadamdary bolyp tabylady», dep túsinik berdi baspasóz qyzmetiniń basshysy Baıram Azızov. Atalǵan bólimshelerdi jań­ǵyrtýǵa, tek kúrdeli jóndeýdi ǵana emes, sonymen qatar teh­no­logııalyq quramdardyń ja­ńartylýy da qosyldy. Bar­­lyq jańǵyrtylǵan posh­ta baılanys bólimsheleri biryńǵaı elektrondy kezek júıesimen, beıne qadaǵalaý já­ne órt qaýipsizdigimen qam­ta­masyzdandyrylǵan. Onyń ústine poshta baılanys bólimderi táýlik boıy jumys isteıtin bolady («POST 24» ózine-ózi qyzmet etý aýmaǵy), qarjy qyzmeti boıynsha – bankomattar jáne tólem termınaldary, al poshta qyzmetteri boıynsha – abonomenttik jáshikter, al bolashaqta postamattar bolady. Jańǵyrtylǵan bólimderde qabyldaý jáne aýdarmalardy júr­gizý valıýtalyq kassalary bar. «Egemen-aqparat».